​НИИСЛЭЛ ХОТЫН ХҮГЖЭЛТЫЕ ХҮЛЕЭЕ

Чимит Бальжинимаев (зогсоно)

Ямаршье гүрэн түрэдэ ажа­байдалай гол ехэ үүргэ ниис­лэл хото дүүргэдэг. Илангаяа манай Буряад орондо һүүлэй үедэ Улаан-Үдэдэ болон оршон той­ронхи нютагуудтань олон зон гэр бүлөөрөө нүүжэ ерэнхэй.

Сентябриин 26-ай гарагай 5-да Улаан-Үдын арадай һунгамалнуудай шэнэ VI Зүблэлэй түрүүшын хуралда­ан үнгэрөө. Буряад Уласай саашадаа яажа хүгжэхэнь, тиихэдээ арад зоной саашадаа яажа ажамидархань энэ Зүблэлэй шиидхэбэринүүдһээ сэхэ дулдыдахань арсашагүй. Тиимэһээ Улаан-Үдын һунгамалнуудай Зүблэлэй ажал хэрэгые тон анхарал­тайгаар шүүмжэлэн шэнжэлжэ байха хэрэгтэй.

Ниислэлэймнай Зүблэлэй 30 һунгамалай 24-иинь “Ниитэ нэ­гэн Росси” намай гэшүүд, бэшэни­инь хоёр коммунист, өөһэдыгөө дэбжүүлһэн хоёр болон нэжээд либерал-демократ, “Справедли­вая Россия” намай гэшүүн болонод. Түрүүшынгээ хуралдаанда хо­тын һунгамалнууд толгойлогшоёо һунгаа. Ниитэ нэгэн һунгалтада хабаадажа, “Ниитэ нэгэн Росси” на­май түлөөлэгшэд илажа, Комму­нис болон хотын 3-дахи хорооной һунгамал “Ниитэ нэгэн Росси” на­май гэшүүн, “Полином” нэгэдэлэй юрэнхы дарга Чимит Бальжинимаев Буряад Уласай ниислэл хото Улаан-Үдэ хотын һунгамалнуудай Зүблэлэй Түрүүлэгшээр һунгагдаа.

Мүн баһа “Ниитэ нэгэн Рос­си” намай гэшүүн, 5-дахи тойро­гой һунгамал Анатолий Белоусов Түрүүлэгшын орлогшоор һунгагдаа. Тиигээд хороонуудай, таһагуудай даагшад болон ажалшад һунгагдаба. Тэрэ тоодо 35-дахи һургуулиин захирал Людмила Пахомова тоо­лолгын комиссиин даргаар, харин Улаан-Үдын толгойлогшын уялгые дүүргэжэ байһан Александр Ирин­чеев мандатна комиссиин даргаар һунгагдаа.

Ниислэл хотын арад зоной этигэл найдабарида хүртэһэн һунгамалнууд ажал хэрэгээ урагшалуулжа, урма зо­ригтойгоор хүдэлжэ, һунгаһан арад зонойнгоо этигэл найдабари хүсэд дүүрэнээр харюулха бэзэ гэжэ найдая.

 Улаан-Үдын Захиргаанай Хэблэлэй албанай гэрэл зураг