​Буряадай Захаамин аймагта гар хажуур үшөөл орхигдоогүй

Хада уулата заха холын Захааминда хэзээдэшье ган болодоггүй, үбһэ ногоогоор дуталдадаггүй. Хажууртаа бэрхэ хадын зон хэзээдэшье малдаа хүрэхэ үбһэ хоол абахал даа гэжэ зон һанадаг.

Хэды тиигэбэшье, хадын ажалша, бэрхэ зондо баһал өөһэдын бэрхэшээлнүүд ушардаг.

Урда жэлнүүдтэ ган гасуур дайраа гэбэл, энэ жэл уһан ехэдээ гэхэдэ болохо.

Хада уулата нютагуудта түймэрһөө ехэ гай усал гэхэдэ, хаа-яа ганшье бо­ложо, үгы һаа, үершье дайрадаг. Энэ жэлдэ хура бороон элбэг, ган гасуургүй зуһахамнай гэхэдэ, зарим тээ уһан ехэдэжэ, налуу сабшалангууд, илангаяа дэ­эдэ хажуугаархи, үертэ абтаа.

Мүнөөнэй мини-косилканууд шуран шуумгайшье һаа, хүндэ хүрэхэгүйл юм байна.

“Саг сагтаа, сахилза хүхэдөө” гэжэ оньһото техникын элбэгжэхэдэ, һүүлэй үедэ гар хажуур бариха зон хомордоо. Тиибэшье мүнөө һужаануудаа, заха бу­лангуудаа, модо бургааһануудай хоорондохи талмайхануудаа гараар сабшаха хэрэг гараа. Иигэжэ үмсын ажахынууд малдаа хүрэхэ үбһэ хүсэд дүүрэнээр бэлдээ.

Мүнөө жэл дээдэ талын Мэлэ, Дабаата, доодо талын Хуртага, Хамни, Ми­хайловка, Үлэгшэн нютагуудай томо ажахынууд түсэблэһэн ёһоороо абаха ма­лай хоолые сенажтай, силостой болон таряанай зүйлтэйгээр хүсэд дүүрэнээр бэлдэжэ байна.