983
Хэр зэргэ дулаасуулгын хаһада бэлэдхэл хэгдэнэб гэжэ Барилгын болон гэр байрын ажахы шэнэдхэлгын яаманай шалгалтын дүнгүүдээр, 508 котельнинүүдэй 506-иинь мүнөө бэлэн. Энээн тухай барилгын сайд Николай Рузавин түсэблэлгын суглаанда хэлэһэн байна.
Муя аймагай 2 котельни дулаасуулгын хаһада бэлэн бэшэ, тэдэ онсо хиналта доро оронхой. Северомуйск, Таксимо һууринуудай котельнинүүдтэ заһабарилга хэгдэнэ. Уридшалһан мэдээгээр, сентябриин 26 болотор заһабарилгын ажал дүүрэжэ, котельнинүүд түлэгдэжэ эхилхэ.
Сентябриин 23-най мэдээгээр, дуласуулгын хаһа Буряад Уласай Баргажан, Бабанта, Бэшүүр, Зэдэ, Ярууна, Ивалга, Аха, Байгал шадарай, Сэлэнгэ, Тарбагатай, Хори аймагуудта, Северобайкальск, Улаан-Үдэ хотонуудта эхилэнхэй. Загарай, Захаамин, Түнхэн аймагуудта зарим котельнинүүд табан хоногой туршада үдэртөө 8 градусһаа дулаан болохоео болиходонь, түлэгдэжэ эхилхэ.
