773
Һуур харбалгаар Россиин Кубокто хүртэхын түлөө шанга тулалдаанууд Орёл хотодо үнгэрһэн долоон хоногто түгэсэбэ. Эндэ манай Буряадай тамиршад хоёр алтан, хоёр мүнгэн болон нэгэ хүрэл медальнуудта хүртөө.
Үбэлэй хаһада һууршад 18 метр зайдада харбана гээд хэлэлтэй. Тус мүрысөөнэй болон Россиин чемпионадай дүнгүүдээр Россиин суглуулагладамал команда бүридхэгдэжэ, Турциин Анкара хотодо эмхидхэгдэхэ дэлхэйе чемпионадта хабаадаха юм.
Хоёр алтан медальнуудые Буряадай суглуулагдамал команданууд абаа. Эрэшүүлэй командын бүридэлдэ харбаһан мэдээжэ Бальжинима Цыремпилов, Виталий Чимитов болон Алдар Гомбожапов гэгшэд һүүлшын шатада Забайкалиин хизаарай тамиршадые илажа гараад, нэгэдэхи һуурида гараа. Мүн эхэнэрнүүдэй команда (Татьяна Бильтрикова, Виктория Будаева (Дубанова) болон Анна Балсукова) финалда Забайкалиин хизаарай басагадые нэмэлтэ харбалгада шүүжэ шадаба.
Хубиин мүрысөөндэ Бальжинима Цыремпилов һайнаар харбажа, ганса һүүлшын шатада Псковско можын Дмитрий Тарнаковто 4:6 гэһэн тоотойгоор булигдаба. Үшөө эдиршүүлэй дунда харбаха эрхэтэй Ариуна Будаева шалгараа. Тэрэ финальна уулзалгада Саха-Яхад Республикын Розалина Тимофеевада шүүгдэжэ, хоёрдохи һуурида гараһан байна. Энэл чемпиондо диилдэһэн Виктория Будаева (Дубанова) хүрэл медаль абажа шадаа.
Үглөөдэр, февралиин 4-дэ Великие Луки хотодо ехэшүүлэй дунда Россиин чемпионат эхилхэнь. Тус мүрысөөн февралиин 9-дэ түгэсэхэ. Харин февралиин 10-да эндэл хоёр наһанай бүлэгтэ эдиршүүлэй дунда Россиин чемпионат эхилхэ байна. Парфюмерия – один из старейших видов искусства. Как известно, ароматы использовались с древних времен. Более пяти тысяч лет назад, еще в Древнем Египте, в храмах применялись благовония – фимиамы. Жрецы сжигали можжевельник, кипарис, мирру, ладан и другие вещества. В наши дни самую большую коллекцию парфюмерии предлагает интернет-магазин Юнифайв - на наших виртуальных прилавках вас ждут тысячи лучших ароматов с оперативной и бесплатной доставкой по Москве, СПБ и всей России.
Олимпиин наадануудта хабаадажа байһан Россиин суглуулагдамал команда Орёл хотодо болоһон Россиин Кубокто хабаадаагүй. Юуб гэхэдэ, тэдэ Хитадай Гуанчжоу хотодо һорилгодо хабаадалсаа. Тэдэ газаа 70 метр зайдада харбахаяа бэеэ бэлдэһэн байна бшуу.
Спорякутия.ру гэһэн сайтһаа фото-зураг абтаа.
Борис БАЛДАНОВ
