828
Нэн түрүүн тандаа иигэжэ хөөрэхэ байнаб. Гурбадахи ангиимни hурагша Тумэн үбэлэй амаралтын hүүлдэ торгон мэшээгтэй шагайнуудые hургуулидаа асарhан байна. Сугтаа hурадаг хүбүүд басагадынь наадажа шадахагүй байшаба. Тиихэдэнь хоюулаа наадая гэжэ дурадхабаб. Та наадажа шадаха гүт, би hаял hуража байнаб. Энэ ушарнай 2009 ондо болоhон. Тэрэ гэhээр hурагшадаа бултыень шагай наадажа hургааб, үхибүүдни нилээд амжалта туйладаг. Гансал hурагша Дандаров Тумэн тухай хэлэхэдэ иимэ амжалта туйлаhан байна. Жэшээлбэл, 2010 онhоо эхилээд 2014 он болотор 1-дэхи, 2-дохи, 3-дахишье hуурида хүртэhэн. 2014 ондо Буряад Республикын «Шагай наадан» турнир шүүжэ чемпион боложо гараhан, 2015 оной Буряад Республикын «Сурхарбаан –нааданда» няhалалга наадаар чемпион болоhон байна. Yшөө 4-дэхи класста hурадаг байхадаа hурагшадай бодото ажал ябуулгын Ивалгын районой «Первые шаги» конференцидэ «Моё увлечение –шагай наадан» гэжэ ажалынь дээдэ зэргын hуури эзэлжэ, Республикада хабаадалсаа.
Мүнөө сагта шагай наадажа шадаха хүн үсөөн болонхой. Тиимэ тула энэ наада һэргээжэ, үхибүүдые ба залуушуулые һургаха гэжэ бодоод, энэ хэблэл бэлдэбэб. Яhала олон ном, журнал, газетэ hэлигдээ. Багахан хэблэл боложо гараа hаа, үхибүүдтэшье, hурагшадташье, залуушуулдашье мүн баhа наhатайшуулда хэрэгтэй гэжэ hанагдана.
Аюшеева Цырже-Мэдэг Баяртуевна, главный судья по народной игре «Шагай наадан».
