​Һур харбалгын түб байгуулагдаха

Япон гүрэндэ үнгэрхэ удаадахи Олиимпиин наадануудта бэлдэлгын шугамаар манай Буряад орондо һур харбагшадай һорилгын түб байгуулхын асуудал шиидхэгдэнэ. 

Ородой Холбоото Уласай һангай зөөриһөө энэ хэрэгтэ 200 миллион түхэриг һомологдохоор хараалагдана. Буряад Уласай Толгойлогшын тэмдэглэһээр, һур харбалгын түб ерэхэ 2017 ондо баригдажа эхилхэ юм. Тиигэжэ 2018 ондо бүтэн болоод, ашаглагдажа эхилхэ ёһотой. Тамирай һорилгын шэнэ түб Улаан-Үдэ хотын Түб стадионой дэргэдэхи талмай эзэлхэ юм.