​Түнхэнэй залуушуул түрүүшүүлээ элирүүлбэ

Үнгэрһэн долоон хоногой эсэстэ Улаан-Үдэдэ ажаһуудаг Түнхэнһөө уг гарбалтай залуушуулай дунда спартакиада эмхидхэгдэбэ. Тэдэ волейбол, футбол наадаа, хүнгэн атлетикээр мүрысөө.

Түнхэнэй нютагаархидай “Саяан” эблэлэй түрүүлэгшэ Баяр Турбяновай хэлэһээр, иимэ хэмжээ ябуулга хэдэн жэл соо үнгэргэгдөөгүй байгаа.

- Мүнөөдэр энэ ушар тохёолдобо. Залуушуулнай спортын талмай дээрэ уулзажа, бэе бэетэеэ танилсаба. Тэдэ нютагһаан холо эбтэй ябаха бэзэ гээд найдагдана, - гэжэ Баяр Турбянов нээлгын баяр ёһололой үедэ тэмдэглээ.

Футболой талмай дээрэ 7 команда уулзажа, Жэмһэгэй футболистнууд чемпионууд болобо. Хоёрдохи һуурида “Һархяаг” гэһэн команда гараа.

Волейболоор табан командануудай дунда Аха аймагай хоёр команда түрүү һууринуудые эзэлээ.

Хүнгэн атлетикэдэ хабаадагшад 150, 300, 400 метр зайда урилдажа, һайн дүнгүүдые харуулаа.

Пётр Чайковскиин нэрэмжэтэ Соёл болон урлалай колледжын байшан соо тус мүрысөөнүүд үнгэрөө. Түнхэнөөрхин аха захатандаа концерт наадаа дэлгэһэн байна. Мүн баһа шан барюулалгын ёһолол болоо.

Автор: Борис Балданов
Описание: Шан барюулалгын ёһололой үедэ