​​Санагада һэершэдэй соло дуудагдаа

Заха холын Захааминай сэлгеэ һайхан Санага нютагта холые холо гэнгүй олон тоото айлшад хоёрдугаар һарын 18-да буугаа. Аяар Агаһаа табан команда ерээ. Энэ ехэ мүрысөөндэ хамта дээрээ 48 команда, хэзээ хэзээнэйхиһээ олон хабаадагшад – 240 һэершэд, тэрэ тоодо 14 эхэнэрнүүд арга шадалаа туршаа.

Эгээл эдир 14-һөө 20 хүрэтэр наһанай һэершэд сооһоо Санагын Аламжа Дылыков 3-дахи һуурида гараа. 2-дохи һуури Түхэнэй “Бурхан Баабай” командын Жалсып Манзаров абажа шадаа. Агын тойрогой “Ага-4” командын Буянто Цыбенов илажа гараа.

21-35 наһатайшуул соо Захааминай Хужарай АлександрЖигжитов - 3-дахи, Агын Зоригто Дашанимаев 3-дахи һуури абажа, Ивалгын Хойто-Бэеын Батор Бадмаев (угаараа Санагын) илажа гараа.

36 - 50 наһатайшуул сооһоо шалгаржа, Захааминай Ёнгорбойн Баяжап Лайдапов – 3-дахи, Улаан-Үдын “Хадата Захаамин” командын Аркадий Жамбалов 2-дохи һуури эзэлээ. Агын Баир Намдаков илалта туйлаа.

51-һээ дээшэ наһатайшуул соо санагаархин илажа гараа: 3-дахида - БадмажапДармаев (“Хадата Захаамин”), 2-дохидо Владимир Цыдемпилов гаража, 64-тэй Илья Норбоев илажа, солоёо дуудуулаа.

Мүрысөөндэ хабаадаһан 14 эхэнэрнүүдһээ захааминаархин шалгараа: 2-дохи һуури Дүтэлүүрэй Сарюна Жигжитова эзэлжэ, Санагын Цындыма Жамьянова илажа гараа. 3-дахи һууриин шангые 12 эхэнэрнүүд хубаажа абаа.

Эгээл эрхимүүд гэжэ бэеэ харуулһан тамиршадта тусхай шагналнууд барюулагдаа:

• Эхэнэрнүүдэй дунда - «Эрхим арга дүрэтэй» - Ахын Юлия Будаева, (4 мянган түхэриг)
• Эрэшүүлэй дунда - «Эрхим арга дүрэтэй» - Агын Цыреторов Баясхалан, Агинский бурятский округ, Забайкальский край (4 мянган түх.)
• «Эгээ залуу hэершэн» - Санагын Амарсана Бадмаев (2004 оной), 3 мянган түхэригөөр шагнагдаа.
• «Эгээ үндэр наhатай hэершэн» - Захааминай Нуртын Доржо-Сэрэн Дымбрылов (1942 оной баһал 3 мянган түхэригөөр шагнагдаа.

Командын тоосоогоор түрүү һууринуудта гараа гэбэл:

• 1-дэхи һуурида –Ивалгын «Хойто бэе» (70 мянган түх.)
• 2-дохи һуурида – Санагын “Хүүгэдэй сэсэрлиг” (50 мянган түх.)
• 3-дахи һуурида – Захааминай “Дүтэлүүр” (30 мянган түх.)

Ивалгын «Хойто бэеын» Батор Бадмаев мүрысөөнэй абарга боложо, буряад уултэрэй дааган шанда хүртөө.

Шагай наадан

Энэл үдэр шагай наадан үнгэржэ, 68 хүн хабаадаа.

«Мори урилдаанда»:

• Закаменскын Аюр Ардаев эрхимлээ
• 2-дохи һуури – Захааминай Ёнгорбойн Батуева Сэлмэг
• 3-дахи һуури– Захааминай Үлэгшэнэй Мигмир Гармаев

«Шагай шүүрэлгээр»:

• Санагын Байгалма Цыдемпилова эрхимлээ
• 2 – Захааминай Захааминай Шара-Азаргын Марина Лубсанова
• 3 – Санагын Баярма Бахутова

«Шагай няhалалгаар»:

• баһал Аюр Ардаев эрхимлээ
• 2 – Монголой Сэлэнгэ аймагай Болорма
• 3 – Закаменск хотын Хорло Цыденова

Буряад шатараар:

Уласхоорондын мастер Дмитрий Пушкаревтай 20 шатаршад наадаа. Эгээл эрхимүүдынь нэрлэе: Захааминай Холтоһоной Владимир Руденко, Санагын Аюр Цынгенов болон Закаменск хотын Ошор Будаев.

Үндэр хэмжээндэ үнгэргэгдэһэн энэ найр тухай дэлгэрэнгыгээр “Буряад үнэндэмнай” уншаарайт.