994
Энэ мүрысөөндэ 21 аймагай 800-һаа дээшэ тамиршад хабаадаха юм. Анха түрүүшынхиеэ 1988 ондо үбэлэй хоёрдохи нааданууд эндэ үнгэрөө гэжэ һануулнабди.
Мухар-Шэбэр һууринда хоккей наадан, конькигаар урилдаан, бэеэ үргэлгэ болон пневматическа винтовкоор буудалга үнгэрхэ. Сагаан-Нуур һууринда санаар болон зүг шэг тодорхойлолгоор урилдаан үнгэрхэ.
Түгнын талаар олоор байрладаг үнэгэн тус мүрысөөнэй һүлдэ тэмдэг болоо. Мухар-Шэбэр аймагай 200 гаран залуушуул воонтёрнууд боложо, олоороо ерэһэн айлшадта туһа хүргэхэ.
Мартын хоёрто үдэшын 6.30 сагта наадануудай нээлгын баяр үнгэрхэ гэжэ Буряад Уласай Спортын болон залуушуулай бодолгын талаар яаман мэдээсэнэ.
