​Сагаан Дара Эхэдэ зорюулагдаһан мүрысөөн

2017 оной апрели­ин 23-да Та­мирай үргөөдэ (ФСК) Сагаан Дара Эхэдэ зорюулагдаһан бүхэ барилдаан болохо юм. Сагаан Дара Эхэ бол­бол Ород гүрэнэй дээдэ зинда­атанай эбигээгшэ болодог гэхэ юм. Тиихэдэ энэ тэмсээн Вла­димир Владимирович Путинай элүүр мэндэ, амгалан байдалай түлөө үнгэргэгдэнэ.

Үбэр Байгалай хизаарай, Саха (Яхадай) Уласай, Тыва Уласай, Ха­кас Уласай, Эрхүү можын, Монго­лой 1000-аад бүхэшүүл барилдаха байһанаа нэрээ мэдүүлээ. Банди­да хамба лама Дамба Аюшеевэй үүсхэлээр Буряад Уласай Засагай газарай дэмжэлгээр энэ тэмсээн 2007 онһоо үнгэргэгдэдэг зан­шалтай.

Буряад барилдаанай зохёогдоһон дүримөөр барилдаашан улаан, хүхэ бүһэтэй, шуудагтай, малгайтай байха ёһотой.

Барилдаан 10 сагһаа эхилхэ, баяр ёһололой нээлтэ 12 сагта.

Барилдаанай үедэ билет һугалаан (розыгрыш) болохо. Ай­фон гар утаһан, морин эрдэни, бодо мал, зурагта (телевизор), хүргэгшэ (холодильник), хотошо нохойн гүлгэн гэхэ мэтэ үнэтэ бэлэгүүд һугалаанай азатаниие хүлеэжэ байна.