594
Апрелиин 28-29-нэй үдэрнүүдтэ Кабанск һууринда “Слава” орденой кавалер Петр Андриянович Поповой мүнхэ дурасхаалда зорюулагдаһан ээлжээтэ 46-дахи тамирай һайндэр эмхидхэгдэхэ юм.
Эсэгэ ороноо хамгаалгын Агууехэ дайнай үедэ Сталинград, Донбасс, Украина, Крым, Кенигсберг шадар болон бусадшье байлдаануудта хабаадаһан Петр Попов эрэлхэг зүрхэтэй, юумэнһээ айха, сухарихагүй зан абаритай байһан юм. Тэрэ дайшалхы баатаршалга гаргаһанай түлөө “Красная звезда” гэһэн 2 орденоор болон “Слава” орденой кавалер болһон байна.
Эрхүү можын, Үбэр Байгалай хизаарай, Буряад Уласай Улаан-Үдэ хотын болон аймагуудай, Кабанск аймагай һомонуудай 800-аад тамиршад мүнөө жэл үнгэргэгдэхэ хүнгэн атлетикээр урилдаанда хабаадаха.
Буряад Уласай Арадай Хуралай Газарай асуудалнуудай, аграрна бодолгын болон эд хэрэглэлгын дэлгүүрэй талаар хорооной түрүүлэгшэ, суута ветеранай аша Александр Попов энэ хэмжээ ябуулгада ерэхэ юм. Арадай Хуралай түрүүлэгшэ Цырен-Даши Доржиев, хороонуудай хүтэлбэрилэгшэд Зоригто Цыбикмитов, Борис Ботоев, аграрна хорооной гэшүүд – Баир Гармаев, Сергей Пашинский, Леонид Селиверстов болон һунгамал Бато Семенов гэгшэд мүрысөөнэй шангай жасада хубитаяа оруулһан байна.
