​Эрхим тамиршадта – наһанай тэдхэмжэ

Буряадай боксын федерациин вице-президент Валерий Доржиевай хэлэһээр, Олимпиин наадануудта илагшадта бүхы наһанай тэдхэмжэ олгуулха тухай хуулиин түсэл Арадай Хуралай ээлжээтэ сессиин үзэмжэдэ табигдахань.

Алтан медаль абагшад 30 мянга, мүнгэн медальда хүртэгшэдтэ 24 мянга, харин хүрэл медальда хүртэгшэд 18 мянган түхэриг һара бүриин тэдхэмжэ абаха болоно.

- Ородой Холбооной 12 можо нютагуудта иимэ хуулинууд абтанхай, харин Саха-Яхад Уласта аяар 45 мянган түхэриг үгтэнэ. Олимпиин наадануудта гүрэн түрэеэ, Буряад ороноо суурхуулха арга боломжотой тамиршад тусгаар эрмэлзэлтэй байха ёһотой. Гүрэн түрэ тэдэниие дэмжэхэ зэргэтэй, - гэжэ Валерий Доржиев онсолбо.