1055
Ородой Холбоото Уласай суглуулагдамал команда Сербиин Суботица хотодо эдиршүүлэй дунда үнгэргэгдэһэн «Золотые перчатки Воеводины» гэһэн боксоор уласхоорондын мүрысөөндэ илаба.
35-дахияа үнгэргэгдэһэн мүрысөөндэ 16 гүрэнүүдэй 150-һаа дээшэ тамиршад хабаадаһан байна. Ород гүрэнэй команда табан алтан, нэгэ мүнгэн, гурбан хүрэл медальнуудта хүртэбэ.
Тэдэнэй дунда Буряад Уласай Людмила Воронцова (57 кг шэгнүүртэ), Ангелина Кабакова (69 кг), Кристина Ткачёва (81 килограммһаа дээшэ шэгнүүртэ) гэгшэд алтан медальнуудые абаһан байна.
«Эдиршүүлэй дунда дэлхэйн чемпионадта бэлэдхэлэй үеын шухала шата гараабди. Азиин гүрэнүүдэй эгээл шанга тамиршадтай хаба шадалаа туршалсаабди», - гэжэ Ородой Холбоото Уласай эдиршүүлэй суглуулагдамал командын ахалагша һоригшо Альберт Муталибов хэлэбэ.
Энэ урилдаанда шалгарһан Ангелина Кабакова намартаа боксоор дэлхэйн чемпионадта хабаадаха юм.
