Казань хотодо болоһон сагаалса буудалгаар Ородой чемпионадта Буряадай шэхэ хатуушуул амжалта туйлаба. Тэдэ гэртээ аяар зургаан медальтайгаар бусаба.
Дүлии тамиршадай дунда Ородой чемпионадта 20 можо хизаарнуудай 100 гаран тамиршад хабаадаһан байна. Тэрэ тоодо Буряадай адаптивна спортын һургуулиин 8 шабинар оролсоо.
Нэгэ алтан медаль винтовкоор буудадаг Анатолий Гаськов абажа шадаа. Тиихэдэ Александр Черных, Александра Бобоева болон Николай Мосоров гэгшэд шангай хоёрдохи һууринуудые эзэлээ. Николай Мосоров болон Николай Дорожкин хоёр гурбадахи һууринуудта гараа.
Николай Мосоров, Николай Дорожкин болон Константин Болдарёв гэгшэд спортын мастерай нэрэ зэргэдэ хүртэхэ аргатай болоо. Анна Степановада спортын мастерта кандидадай нэрэ зэргэ олгуулагдаха.
Буряадай адаптивна спортын һургуулиин гэрэл зураг