664
Үнгэрһэн үдэрэй туршада Түнхэнэй дархан газарта 2,6 га талмайда гараһан түймэр унтараагдажа байна. Ойн харуулай 14 хүдэлмэрилэгшэд хабаадажа, түймэр сараадаг 3 техникэ хэрэглэгдэнэ. Уридшалһан мэдээгээр, энэ түймэр ажаһуугшадай гэмээр гараба.
Июниин 8-най мэдээгээр, Мууяын аймагта 180 га талмайда гараһан түймэр унтараагдана. “Үбэр Байгалай ойн харуулай авиабаазын” парашютистнар болон ойн харуулшад түймэр саралгада хабаадана. Мууяын аймагай газар дайдада түймэрэй аюултай хаһын онсо байдал соносхогдонхой.
Хори болон Хэжэнгэ аймагуудай хизаарта 4-дэхи шатын, Улаан-Үдэ шадар 2-дохи шатын түймэрнүүд гараа гэжэ мүнөөдэрэй бүридхэлдэ абтанхай.
Буряад Уласай газар дайдада түймэрэй аюултай хаһын онсо журам соносхогдонхой.
Онсо журамай үедэ ойдо орохо хоригдоно. Энэ дүрим эбдэһэн хүнүүд 4 мянганһаа 5 мянган түхэриг хүрэтэр, албанай түлөөлэгшэд – 20 000-һаа 40000 түхэриг хүрэтэр, юридическэ нюурнууд – 300 мянганһаа 500 мянган түхэриг хүрэтэр ялада тохогдохо юм.
Түймэрэй гараһан тухай дүтын ойн ажахын албанда гү, али (83012) 20-44-44 гэһэн утаһаар дуулгажа байгыт гэжэ ойн харуулшад мэдүүлнэ
