683
Үнгэрһэн үдэрэй туршада Буряад Уласта ойн түймэрэй гараһан тухай бүридхэлдэ абтаагүй.
Июлиин 19-нэй мэдээгээр, Кабанск аймагта 2,1 мянган га талмайда гараһан, Зэдэ аймагай Байгалай дархан газарта 310 га гараһан ойн түймэрнүүд унтараагдана. Ойн харуулшад, түлбэритөөр ашаглагшад, “Авиа ойн харуулай” парашютистнар – хамтадаа 235 хүн түймэр унтараалгада хабаадана. Түймэр саралгын 44 техникэ хэрэглэгдэнэ.
Түймэрэй аюултай хаһын эхилһэн сагһаа хойшо 2017 оной июлиин 19 болотор, Буряад Уласай дэбисхэртэ 258 мянган га талмайда 561 ойн түймэр гараһан байна. 2016 оной энэл хаһын мэдээгээр, 574 мянган га талмайда гараһан 890 ойн түймэрэй гараһан тухай бүридхэлдэ абтаһан байха юм.
Үнгэрһэн үдэрэй туршада, Буряад Уласай Дотоодын хэрэгүүдэй яаманай, Онсо байдалай талаар яаманай Буряадтахи таһагай хүдэлмэрилэгшэд, ойн харуулшад ойдо орохо дүрим эбдэгшэдые элирүүлжэ, захиргаанай 20 протоколонуудые абаба. Түймэрэй аюултай хаһын үедэ ойдо түймэр табиһан 24 гэмтэд элирүүлэгдэжэ, Ородой Холбоото Уласай уголовно кодексын 261-дэхи статьягаар 48 уголовно хэрэг абтаба.
Буряад Уласта түймэрэй аюултай хаһын онсо байдал соносхогдонхой. Онсо байдалай үедэ ойдо орохо хоригдоно. Эдэ дүримүүдтэ хайша хэрэгээр хандабал, 4 мянганһаа 500 мянган түхэриг хүрэтэр яла тохогдохо юм.
Хотонуудай, хүдөө нютагуудай газар дайдада гал түүдэг носоохо, хагда ногоо, бог шорой галдаха хоригдоно. Тала дайдаар хагда, поли дээрэ үлэһэн ногоо галдаха, гал түүдэг носоохо хорюултай гэжэ Буряад Уласай ойн ажахын албан мэдээсэнэ. Үшөө тиихэдэ, харгын, түмэр харгын хажуугаар ногоо галдаха, түүдэг носоохо, модо отолһоной һүүлээр үлэһэн гэшүүһэ галдаха, хатанхай ой модо, һөөг бургааһа орхихо баһал хоригдоно.
Түймэрэй гараһан тухай дүтын ойн ажахын албанда гү, али (83012) 20-44-44 гэһэн утаһаар дуулгажа байгыт гэжэ ойн харуулшад мэдүүлнэ.
