1686
Эрхим хүндэтэ нүхэд!
«Буряад үнэн» Хэблэлэй байшанай эмхидхэдэг «Буряадай түрүү хүнүүд» гэһэн XXI заншалта урилдаанай дүнгүүд согсологдобо. Урилдаанай дүримэй ёһоор, Буряадай түрүү хүнүүд тухай очеркнууд болон зураглалнууд «Буряад үнэн» сониндо толилогдожо байдаг.
2017 оной урилдаанда зуугаад хүдэлмэринүүд ороһон байна. Тиигэжэ шүүгшэдэй шиидхэбэреэр 63 хүн лауреадуудай нэрэ зэргэдэ хүртэбэ. Энэ жэл авторнууднай урилдаанда ехэ эдэбхитэйгээр хабаадалсаа. Габьяатай хүнүүд тухайгаа бэшэжэ, зонойнгоо нэрэ хүндыень үргэжэ байһан авторнуудтаа гүн сэдьхэлһээ талархалаа мэдүүлнэбди. Авторнуудай ашаар лэ энэ дэмбэрэлтэй үйлэ хэрэгнай бүтэбэ.
Урилдаанай лауреадуудые, авторнуудые болон үргэн олон уншагшадаа урилдаанай дүн согсолхо баяр ёһололдо уринабди! Шэнээр тодорһон Буряадай түрүү хүнүүдые үндэһэн театрайнгаа тайзан дээрэ гаргажа, хани халуунаар бултаараа амаршалая!
Түрүү хүнүүдые хүндэлхэ баяр ёһолол Х. Намсараевай нэрэмжэтэ Буряад драмын гүрэнэй академическэ театрта декабриин 11-дэ 16.00 сагһаа эхилхэ. Лауреадуудта шангуудыень барюулһанай удаа ехэ тоглолто дэлгэгдэхэ. Концерт түлбэригүй.
«АЛАСАЙ ХОЛБООН» номинацида:
1. Намдаков Даша Бальжанович, уран дархан. Үбэр Байгалай хизаарай Үхэриг нютагһаа гарбалтай. Буряад нэрэеэ бүхэдэлхэйдэ мэдүүлһэн алдартай. Автор – Һасаранай Булад, эрдэмтэн.
2. Чойнзонов Евгений Лхамацыренович, эмшэн. Сэлэнгэ аймагай Жаргаланта нютагһаа гарбалтай. Сибириин федеральна тойрогой ахамад онколог, Томскын эрдэм шэнжэлэлгын институдай захирал. Буряад улад сооһоо Ородой эрдэмэй академиин эгээн түрүүшын академик. Автор – Цыренжаб Чойропов, эрдэмтэн.
3. Жамсын Сэнгэл, Бүгэдэ Найрамдаха Хитад Уласай Шэнэхээн нютагһаа гарбалтай. Япон гүрэнэй Осака хотодо “Азиин олзын хэрэг эрхилэлгэ” гэһэн факультет дүүргэһэн мэргэжэлтэн. Мүнөө япон компанида ажаллана. Автор – Любовь Цыбенова, сэтгүүлшэн.
4. Ологонова Ирина Игоревна, тамиршан. Баргажан аймагай Баянгол нютагһаа гарбалтай. Дэлхэйн, Европын, Ородой Холбоото Уласай абарга бүхэ. “Ородой Холбоото Уласай габьяата тамиршан” гэһэн нэрэ зэргэтэй. Автор – Оюна Цыденова, багша.
5. Раднаев Чингис Хандажапович, дуушан. Хурамхаан аймагай Аргата нютагһаа гарбалтай. Дэлхэйн монголшуудые нэгэдүүлһэн “Хамаг Монгол” гэжэ түсэл бэелүүлэгшэ, ниитын ажал ябуулагша. Автор – Эрдэм Будаин, сэтгүүлшэн.
6. Доржиева Мэдэгма Цырендоржиевна, дуушан, хүгжэм зохёогшо, продюсер. Үбэр Байгалай хизаарай Зугмаара нютагһаа гарбалтай. Эдэй засагай эрдэмэй кандидадай нэрэ зэргэтэй. Автор – Дыжид Мархадаева, сэтгүүлшэн.
7. Лыгденов Виталий Николаевич, гүрэнэй ба ниитын ажал ябуулагша. Захаамин аймагһаа гарбалтай. Буряад Уласай Арадай Хуралай һунгамал, Буряад Уласай волейболой федерациин юрэнхылэгшэ, “Хадата Захаамин” гэжэ нютагаархидай эблэлэй түрүүлэгшэ. Автор – Валерий Цыбиков, арадай дархан.
8. Батоболотова Соёлма Эрдэмовна, багша. Агын Буряадай тойрогой Агын 2-дохи дунда һургуулиин тоо бодолгын багша. Сочи болон Москва хотонуудта үнгэргэгдэһэн «Россиин эрхим багша – 2017» гэһэн урилдаанда түрүүшүүлэй тоодо ороһон габьяатай. Автор – Цырегма Сампилова, сэтгүүлшэн.
«САГААН ҮБГЭН» номинацида:
1. Рабданов Владимир Рабданович, гүрэн түрын ажал ябуулагша. Ага тойрогой Догой нютагһаа гарбалтай. Ага тойрогой хүгжэлтэдэ бүхы наһаяа зорюулаа. Мүнөө дээрээ “Рассвет” гэһэн хүдөөгэй хамжаа эрхилнэ. Автор – Цырегма Сампилова, сэтгүүлшэн.
2. Калашников Анатолий Петрович, уроженец села Никольское Мухоршибирского района. Председатель легендарного племзавода-колхоза. Избирался депутатом Верховного Совета РСФСР. Герой Социалистического Труда, Почётный гражданин Мухоршибирского района. Автор – Октябрина Ешеева, журналист.
3. Оножеев Анатолий Алексеевич, малай эмшэн, эрдэмэй доктор. Эрхүү можын Эхирэд-Булагад аймагай Дархад нютагһаа гарбалтай. Ородой Холбоото Уласай эгээл эрхим эндокринолог-эрдэмтэн нэрэтэй. Автор – Римма Дымбрылова, багша
4. Цыренов Содном-Жамса Дубжирович, багша. Захаамин аймагай Дабаата нютагта түрэһэн. Нютагай түүхэ домог, уг гарбал шэнжэлэгшэ. Автор – Таисия Мархаева, багша.
5. Ширабдоржиев Цыремпил Жигжитович, Хори аймагай Үдын ажахы 30-аад жэлэй туршада хүтэлбэрилһэн түрүүлэгшэ. Ородой Холбоото Уласай хүдөө ажахын габьяата хүдэлмэрилэгшэ, Хори аймагай хүндэтэ эрхэтэн. Автор – Батоцырен Цыдыпов, соёлой хүдэлмэрилэгшэ.
6. Кузьмин Александр Фёдорович, родом из Башкирии, живёт в Курумканском районе. Участник ВДНХ 1958 года. За безупречную службу в государственной лесной охране удостоен ордена «Знак Почёта», звания “Заслуженный работник охраны природы Бурятии”, почётного знака «За сбережение и приумножение лесов России».Человек, вырастивший 400 миллионов сосен. Автор – Валентина Бадмаева, ветеран библиотечного дела.
7. Луньков Анатолий Павлович, уроженец села Малая Грибановка Воронежской области. Всю свою жизнь посвятил Зун-Хурайскому лесничеству Хоринского района. Заслуженный работник лесного хозяйства Республики Бурятия, ветеран труда. Награжден знаками «За сбережение и приумножение лесных богатств РСФСР», «За долголетнюю и безупречную службу в государственной лесной охране». Автор – Баир Борбоев, журналист.
8. Цыбиков Цыден Чимитович, багша. Ярууна аймагай Маарагта нютагһаа гарбалтай. Бүхы наһаараа Эгэтын-Адагай дунда һургуулида физкультурын багшаар ажаллажа, мүнөө наһанайнгаа амаралтада гаранхай. Буряад Уласай бэеын тамирай соёлой габьяата хүдэлмэрилэгшэ. Автор – Дарижаб Ешеева.
9. Каратаев Юрий Алексеевич, родом из Закамны. Службе лесозащиты Бурятии посвятил 40 лет своей жизни. Ветеран Хоринского лесхоза, заслуженный работник лесного хозяйства Республики Бурятия, основатель династии лесничих. Автор – Баир Борбоев, журналист.
«АЛАМЖА МЭРГЭН АРЮУН ГООХОН ХОЁР» номинацида:
1. Доржо Донитович ба Людмила Батуевна Болотовтон, сэтгүүлшэд. Үбэр Байгалай хизаарай Ага тойрогой Ага тосхондо ажаһууна. Зэдэ аймагай Алцагһаа гарбалтай Людмила Батуевна Ага тойрогой Согто-Хангил нютагай Доржо Донитовичтай дээдэ һургуулида һураха үедөө гэр бүлэ боложо, һургуулияа дүүргээд, Агын телевиденидэ ажалайнгаа намтар эхилһэн жэшээтэ бүлэ. Автор – Цырегма Сампилова, сэтгүүлшэн.
2. Владимир Очирович Бухаев ба Валентина Дымчиковна Бадмаева хоёр, багшанар. Хурамхаан аймагай Аргатын дунда һургуулида ажалайнгаа намтар эхилһэн. Мүнөө наһанайнгаа амаралтада гараһан Бухаевтан сүлөөтэй байнагүй. Владимир Очирович Соёлой “Авиатор” байшанда өөрөө эмхидхэһэн “Амар Сайн” ансамбль хүтэлбэрилнэ. Валентина Дымчиковна энэ ансамблиин ажал хэрэгтэ эдэбхитэйгээр хабаадалсана. Владимир Бухаев “Буряад Уласай соёлой габьяата хүдэлмэрилэгшэ” гэһэн нэрэ зэргэтэй, Ородой Холбоото Уласай Болбосоролой болон эрдэм ухаанай яаманай хүндэлэлэй грамотаар шагнагданхай. Автор – Валерий Цыбиков, арадай дархан.
3. Зана Галсанович ба Ханда Гуржаповна Тумуровтан, Зэдэ аймагай, илангаяа Дээдэ-Тори нютагай хүндэтэй хүнүүд. Зана Галсанович мүнгэн сангай һалбарида 51 жэлэй туршада ажаллаһан, “Буряад Уласай габьяата экономист” гэһэн нэрэ зэргэтэй. Ханда Гуржаповна “Арадай һуралсалай отличник” гэһэн нэрэ зэргэтэй, ажалайнь стаж 40 жэл. Автор – Галина Дашеева, сэтгүүлшэн.
4. Иринчей Эдуардович ба Дарима Геннадьевна Матхановтан. Иринчей Эдуардович эсэгынгээ эрхилһэн “Сагаан Нуга” гэһэн үйлэдбэридэ 1991 онһоо ажалайнгаа намтар эхилээ. Хожомынь тэрэ үйлэдбэриие “Байкалфарм” гэһэн нээмэл бүлгэм болгоо. Энэ бүлгэм ударидахадаа, “Россиин 100 эрхим эд бараан ” гэһэн мүрысөөндэ нэгэнтэ бэшэ илажа гараһан байха юм. 1998, 2002, 2007 онуудта Буряад Уласай Арадай Хуралай һунгамал байһан. 2013 ондо Федеральна Суглаанай Гүрэнэй Дүүмын һунгамалаар баталагдаһан. Дарима Геннадьевна - олзын хэрэг эрхилэгшэ, арбаад гаран жэлэй туршада “Буряад орон”, “Байкал Плаза” гэһэн зошод буудалнуудай захиралаар хүдэлнэ. Иринчей Эдуардович ба Дарима Геннадьевна хоёр зондо ехэ туһа хүргэдэг, буряад хэлэ, соёлоо үргэхэ талаар ажал ехэ ябуулдаг. Автор – Цырен-Долгор Бадмацыренова, багша.
5. Виктор Батуевич ба Зинаида Ешиевна Борисовтан, Сэлэнгэ аймагай Жаргаланта нютаг тоонтотой. Виктор Батуевич “Буряад Уласай Хүдөө ажахын һалбариин габьяата хүдэлмэрилэгшэ” гэһэн үндэр нэрэ зэргэтэй. Зинаида Ешиевна “Дээдэ шатын багша”, “Ородой Холбоото Уласай юрэнхы һуралсалай хүндэтэ хүдэлмэрилэгшэ” гэһэн нэрэ зэргэнүүдтэй. Автор – Вера Аюшеева.
6. Валерий Жамбалович, Антонина Бадмаевна Шагдаровтан. Валерий Жамбалович бүхы наһаараа Улаан-Үдын авиационно заводто инженер-электригээр хүдэлөө. Антонина Бадмаевна рентгенологоор хүдэлжэ, наһанайнгаа амаралтада гаранхай. Мүнөө тэдэ Загарай аймагай Арьбажал нютагта үмсын хамһабариин ажахы эрхилнэ. Автор – Амгалан Будаев, ирагуу найрагша.
7. Валерий Шойжамсоевич ба Светлана Жигжитовна Семёновтон, гүрэнэй ба ниитын ажал ябуулагшад, багшын ажалда бүхы наһаяа зорюулһан зон. Агын Буряадай тойрогой Гүнэй нютагта ажаһуунад. Валерий Шойжамсоевич “Россиин патриот”, “Хүндэлэлэй тэмдэг”, “Агын Буряадай тойрогой үмэнэ шэн габьяагай түлөө” медальнуудаар шагнагдаһан, “Багшын ажалай ветеран” гэһэн нэрэ зэргэтэй. Светлана Жигжитовна – багшын ажалай ветеран, Ородой Холбоото Уласай болбосоролой хүндэтэ хүдэлмэрилэгшэ. Автор – Галина Долгорова, багша.
8. Баатар Цыренович ба Вера Ринчиндоржиевна Чимитдоржиевтан, Баунта аймагта ажаһууна. Батор Цыренович – ажалай ветеран, Буряад Уласай габьяата малай эмшэн, “Буряад Уласай эрхим ветеринарнууд” гэһэн Хүндэлэлэй номдо ороһон. Вера Ринчиндоржиевна – ажалай ветеран, Буряад Уласай соёлой габьяата хүдэлмэрилэгшэ, Арадай уран бэлигэй бүхэсоюзна фестивалиин лауреат. Автор – Ольга Жигмитова.
9. Баян Жалсанович ба Зоя Акимовна Жамбалдоржиевтан, Хори аймагай Амгаланта нютагта ажаһуудаг фермернүүд, юһэн хүүгэдэй эхэ эсэгэ. Эхэ эсэгын алдар солын орденоор шагнагдаһан, “Россиин гэр бүлэ” гэһэн урилдаанай шанда хүртэһэн. Автор – Цэцэгма Жамбалдоржиева.
10. Баяр Базарович ба Надежда Майдараевна Дугарнимаевтан, Ярууна аймагай Нарһата нютагта түрэһэн. Баяр Базарович ажалайнгаа намтар Нарһатынгаа 6-дахи СПТУ-да үйлэдбэридэ һургадаг багшын мэргэжэлээр эхилээ. Удаань наһанайнгаа амаралтада гаратараа, РЭС-тэ хүдэлөө. Хорёод жэлдэ ашаг үрэтэйгөөр хүдэлһэнэйнгөө түлөө “МРСК Сибири” холдингын Хүндэлэлэй грамотаар шагнагданхай. Надежда Майдараевна дүшэ гаран жэлдэ аймагайнгаа эмшэлэлгын газарта субилагшын ажалда хүдэлөө. “Буряадай элүүрые хамгаалгын һалбариин отличник” гэһэн үндэр нэрэ зэргэдэ хүртэнхэй. Автор – Балмацо Дугарнимаева.
«БААТАР МЭРГЭН» номинацида:
1. Цэдашиев Владимир Цэдашиевич, Үбэр Байгалай хизаарай Агын Буряадай тойрогой засаг даргын зүбшэлэгшэ, Агада Буряадай хүдөө ажахын академиин түлөөлэгшэ захиралаар ажаллана. Ородой Холбоото Уласай хүдөө ажахын габьяата ажалтан, “Эсэгэ ороной үмэнэ шэн габьяагай түлөө” орденой II шатын медальтай, хүдөө ажахын эрдэмэй кандидат. Автор – Цырегма Сампилова, сэтгүүлшэн.
2. Доржиев Жамбал Цыренжапович, «Буряад Уласай эрдэм болбосоролой габьяата хүдэлмэрилэгшэ» гэһэн үндэр нэрэ зэргэтэй, Буряад Уласай Хүндэлэлэй грамотаар, Буряад Уласай Юрэнхылэгшын хоёр удаа баярай тэмдэгээр, «Алтаргана» нааданай мүнгэн медаляар шагнагдаһан. Автор – Баяр Ширапов, 29 дүгээр Буряад гимназиин захирал.
3. Зондуев Баяр Дашидоржиевич, барилгашан. Мухар-Шэбэр аймагай Хүсөөтэ нютагһаа гарбалтай. Мухар-Шэбэр аймагай Һунгамалнуудай зүблэлэй гэшүүн. Барилгын компани эрхилдэг. Ниитын ажал ябуулагша. Автор – Сарюуна Эрдынеева, сэтгүүлшэн.
4. Дониров Баатар Аюржанаевич, хирург. Ярууна аймагай Иисэнгэ нютагһаа гарбалтай. Медицинын эрдэмэй кандидат, Буряад Уласай Ангиоклубай вице-президент, Ородой Холбоото Уласай зүрхэ-һудаһанай эблэлэй хирургнуудай холбооной гэшүүн. “Уласай түрүү эмшэн” гэһэн нэрэ зэргэдэ хүртэһэн, “Признание” гэһэн ехэ шангай лауреат болоһон. Автор – Эдуард Будаев, сэтгүүлшэн.
5. Будажанаев Булад Цырендоржиевич, малай эмшэн. Ярууна аймагай Үльдэргэ нютагай түрүү хүбүүдэй нэгэн. “Үльдэргэ” ажахы ударидагша. Авторнууд – Октябрина Ешеева, Сарюуна Эрдынеева, сэтгүүлшэд.
6. Дармаев Рихард Цыдыпович, Агын Буряадай тойрогой Гүнэй нютагай сомоной дарга. Үбэр Байгалай хизаарай муниципальна албанай түрүү ажалтан гэһэн шанда хүртэһэн. Ажалдаа ехэ амжалтатай хүдэлнэ. Гүрэнэй ба ниитын ажал ябуулагша. Автор – Галина Долгорова, багша.
7. Батуев Бато Михайлович, тамиршан. Ярууна аймагай Нарһата нютагһаа гарбалтай. СССР-эй спортын мастер, Буряадай бэрхэ боксёрой нэрэ Финлянди, Монгол, Хитад, Хойто Солонгос, Польшо гүрэнүүдэй ринг дээрэ оло дахин зэдэлһэн, буряадай боксые магтуулһан. Мүнөө Бато Михайлович Москва хотодо ажаһууна, Ородой Холбоото Уласай суглуулагдамал командын һоригшо. Автор – Эдуард Будаев, сэтгүүлшэн.
8. Иванов Виктор Филиппович, уроженец села Хасурта Хоринского района. Виктор Филиппович – человек-уникум. Учитель музыки, рисования, черчения, заведующий музеем села, руководитель детского и взрослого фольклорных ансамблей «Матрешка», «Родник». Автор – Наталья Нимаева, учитель.
«Гуа сэсэн хатан» номинацида:
1. Чимитова Жалма Дармаевна, тоо бодолгын багша. Загарай аймагай Асагадай дунда һургуулиие 20-ёод жэлдэ амжалтатайгаар ударидана. Ородой Холбоото Уласай габьяата багша, “Хамаг Монгол” гэһэн түсэлэй эдэбхитэй гэшүүн. Гүрэнэй ба ниитын ажал ябуулагша. Автор – Баяр Жигмитов, сэтгүүлшэн.
2. Шойдокова Сэсэг Нимаевна, зүжэгшэн. Хэжэнгэ аймагай Соёлой һалбарида гушаад жэлдэ оруулһан габьяань тусгаар ехэ. “Хэжэнгын голой хатан” гэжэ алдаршаһан. Автор – Сэсэг Шойнхорова, сэтгүүлшэн.
3. Цыбикова Нимасу Данзановна, Бэшүүр аймагай Шэбэртын дунда һургуулиин тоо бодолгын багша. Буряад Уласай габьяата багша, Ородой Холбооной юрэнхы һуралсалай хүндэтэ хүдэлмэрилэгшэ. Автор – Сэнгэ Ринчинов, сэтгүүлшэн.
4. Цыденова Надежда Доржиевна, Агын Буряадай тойрогой Зүдхэлиин дунда һургуулиин габьяа ехэтэй багша. Ородой Холбоото Уласай болбосоролой отличник, уран зохёолшо. Автор – Баира Бальбурова, сэтгүүлшэн.
5. Дагаева Соёлма Баяртуевна, Буряад Уласай соёлой сайд, сэтгүүлшэн. Мухар-Шэбэрэй Зандин нютагһаа гарбалтай. «Информ Полис» гэһэн Хэблэлэй байшаниие 25 жэлэй саана нүхэртэеэ хамта байгуулаа. “Түгнын голой түшэмэл” гэһэн алдар солодо хүртэһэн. Авторнууд – Сарюуна Эрдынеева, Дашима Цыдыпова, сэтгүүлшэд.
6. Ринчиндоржиева Лариса Платоновна, эмшэн. Эрхүү можын Хашад аймагай Бага-Гол нютагһаа гарбалтай. Эмшэдые бэлдэдэг колледжын түрүү багша. “Эмшэдэй эрхим багша” алдартай. Автор – Амгалан Будаев, ирагуу найрагша.
7. Эрдынеева Сэржэн Германовна, багша. Бэшүүр аймагай Шэбэртэ нютагһаа гарбалтай. “Хүгжэмдэ һургадаг хүндэтэ багшамнай” гэһэн алдартай. Автор – Цырендондок Зандраев, багшын ажалай ветеран.
8. Ринчинова Ольга Викторовна, багша. Захаамин аймагай Хамни нютагһаа гарбалтай. Буряадай Үндэһэтэнэй 1-дэхи лицей-интернадай эхин ангиин багша. “Эрхим багша” гэһэн алдартай. Автор – Сэлмэг Гергенова, багша.
9. Долгорова Галина Загдаевна, багшын ажалай ветеран. Агын Буряадай тойрогой Гүнэй нютагай музейн даагша. Арадай аман зохёолой ансамблиин хүтэлэгшэ. Ниитын ажал ябуулагша, нютаг ороноо шэнжэлэгшэ. Автор – Баярма Дылгырова, багша.
10. Бальжурова Валентина Лайжитовна, багша. Захаамин аймагай Санага нютагһаа гарбалтай. Ородой Холбоото Уласай юрэнхы һуралсалай хүндэтэ хүдэлмэрилэгшэ, ажалай ба спортын ветеран. Эдэбхи үүсхэлтэй, эрмэлзэл ехэтэй багша. Автор – Элеонора Бальжанова, багша.
11. Дампилова Лидия Нимаевна, түүхын багша. Баргажан аймагай Яаригта тосхон тоонтотой. 31 жэлэй туршада Лугшахаанай һургуулида түүхын багшаар хүдэлнэ. “Ородой Холбоото Уласай юрэнхы эрдэмэй хүндэтэ хүдэлмэрилэгшэ” гэһэн үндэр нэрэ зэргэтэй. Автор – Валентина Походиева, багша.
12. Идамжапова Баярма Алексеевна, буряад хэлэнэй багша. Зэдэ аймагай Дээдэ Үшөөтэ нютагһаа гарбалтай. Буряадай аграрна колледжын захиралай орлогшо. Залуушуулай дунда ехэ ажал ябуулна. Автор – Сэсэг Шойнхорова, сэтгүүлшэн.
13. Литвинцева Дарима Цырендондуповна, Буряад Уласай Үндэһэнэй музейн захиралай орлогшо. Хурамхаан аймагай Элһэн нютагһаа гарбалтай. Аха аймагай соёлой хэлтэсэй даргаар олон жэлдэ амжалтатай хүдэлһэн. Гүрэнэй ба ниитын ажал ябуулагша. Автор – Оксана Цыбденова, сэтгүүлшэн.
«Буян хэшэг» номинацида:
1. Батуев Эрдэм Гармаевич, эмшэн. Захаамин аймагай Ёнгорбой нютагһаа гарбалтай. 2016 ондо 16-дахи бүхэроссиин урилдаанда Улаан-Үдын табадугаар больницын эмшэн Эрдэм Батуев илажа, “Жэлэй эрхим эмшэн” гэһэн хүндэтэ нэрэ зэргэдэ хүртөө. Автор – Сэнгэ Ринчинов, сэтгүүлшэн.
2. Цыренжапова Гыма Базаржаповна, багша. Ярууна аймагай Эгэтын-Адаг нютагһаа гарбалтай. Багша болохо багынгаа эрмэлзэлые хүсэлдүүлжэ, 45 жэлэй хугасаада түрэл һургуулидаа ажаллажа, олон тоото шабинарайнгаа зүрхэ сэдьхэлдэ, ухаан бодолдо, ажабайдалда гүнзэгы мүр сараа үлээжэ шадаа. Автор – Полина Эрдынеева, сэтгүүлшэн.
3. Болдохонова Евгения Мироновна, Э. Раднаевай нэрэмжэтэ медколледжын багша. Ажалай ветеран болобошье, багшынгаа дэмбэрэлтэ ажалые үргэлжэлүүлһэн зандаа. Автор – Амгалан Будаев, ирагуу найрагша.
4. Чимитова Дора Гармажаповна, багшын ажалай ветеран. Захаамин аймагһаа гарбалтай. Захааминайнгаа һуралсалай һалбарида 55 жэлдэ таһалгаряагүйгөөр амжалта түгэс ажаллаа. Автор – Сэнгэ Ринчинов, сэтгүүлшэн.
5. Жамсоева Дарима Балдановна, сэтгүүлшэн. Агын Буряадай тойрогой Хойто-Ага нютагһаа гарбалтай. Буряадай гүрэнэй телевидениин ажал хэрэгтэ бүхы наһаяа зорюулһан мэдээжэ сэтгүүлшэн. Буряад Уласай соёлой габьяата ажалтан. Гүрэнэй ба ниитын ажал ябуулагша. Автор – Николай Шабаев, сэтгүүлшэн.
6. Санжиева Наталья Андреевна, дорно дахинай шудалааша, эрдэмтэн. Түнхэн нютаг тоонтотой, Япон гүрэндэ ажаһууна. Байгал далай хамгаалха асуудалаар эдэбхитэй ажал ябуулдаг. Ород ба Япон гүрэнүүдэй хоорондохи хэлсээгээр байгаали хамгаалха талаар түсэл залан хүтэлбэрилнэ. Автор – Цырегма Сампилова, сэтгүүлшэн.
7. Батуева Вера Дамбаевна, эмшэн. Захаамин аймагай Хасуурта нютагта түрэһэн. Аяар 1969 ондо Ёнгорбой нютаг эмшэнээр хүдэлхэеэ ерэжэ, ажаһуугшадынь “Доктор Вера” гэжэ хүндэлэн нэрлэдэг. Бүхы наһаяа зорюулһан ажалайнгаа түлөө оло дахин гүрэнэй шанда хүртэһэн, Буряад Уласай Хүндэлэлэй тэмдэгээр шагнагдаһан, “Ажалай ветеран” гэһэн хүндэтэ нэрэ зэргэтэй. Автор – Соёлма Дашеева, багша.
«Аза талаан» номинацида:
1. Сосорова Сэсэг Будажаповна, дуушан, соёлой ажал ябуулагша. Зэдэ аймагай Цагаатай нютагта түрэһэн. Нютагайнгаа Соёлой байшанда хүүгэдые хүгжэмдэ һургана. 2017 ондо бүхэдэлхэйн урилдаанда 1-дэхи шатын лауреадай шанда хүртөө. Автор – Сэсэг Шойнхорова, сэтгүүлшэн.
2. Сарапулов Игорь Вячеславович, уран бүтээлшэ, гоёлой хубсаһа оёгшо. Сэлэнгэ аймагһаа гарбалтай. Угсаата арадайнгаа үндэһэн хубсаһа шэнээр зохёон бүтээдэг бэлигтэй уран гартан. Автор – Нина Артугаева, ирагуу найрагша.
3. Бальжинимаев Бадма Баирович, Зүүн Сибириин технологическа гүрэнэй ехэ һургуулиин 2-дохи курсын оюутан. Хэжэнгын хүбүүн. Һургуулида һураха үедөө “Бэлигтэй залуушуул – 2015” гэһэн бүхэроссиин мүрысөөндэ шалгаржа, мүнгэн шанда хүртэһэн. Залуушуулай ниитын ажалай эдэбхитэн. Автор – Дашама Доржиева, багша.
4. Ванзатова Улзыма Ванзатовна, багша. Хори аймагта түрэһэн. Уран һайханай дээдэ шатын багша, модельер, уран зурааша. Буряад Уласай Хүндэлэлэй грамотаар, Буряад Уласай профсоюзуудай хүндэлэлэй грамотаар шагнагдаһан. Автор – Лариса Ванжилова, багша.
5. Наталья Александровна Чупрова, экономист-бухгалтер. Работает в Комитете по экономике и финансам Администрации Хоринского района консультантом контрольно-ревизионного отдела. Награждена Почётными грамотами администрации района, Управления культуры, благодарственным письмом Главы и Совета депутатов Хоринского района. Активистка общественного движения. Автор – Надежда Жалсараева.
6. Жамсаранова Дугарма Цыдыповна, Хэжэнгэ аймагай Могсохон нютагһаа гарбалтай. Хэжэнгын аймагай соёлой байшанда “Баян Сүмбэр” ансамблиин аман зохёолой бүлгэмэй хүтэлбэрилэгшэ. Буряад Уласай Соёлой яаманай, Хэжэнгэ аймагай захиргаанай, Буряадай Уласай арадай урлалай түбэй Хүндэлэлэй грамотануудта, Баярай бэшэгүүдтэ хүртэһэн. Автор – Сэсэг Шойнхорова, сэтгүүлшэн.
«Наран Гоохон» номинацида:
1. Буянтуева Аяна Андреевна, Хори аймагай Ааланай дунда һургуули алтан медальтайгаар энэ жэлдэ дүүргэжэ, мүнөө Түрүүшын Санкт-Петербургын анагааха ухаанай гүрэнэй университедтэ һурана. Буддын шажанай заншалта Сангхын эмхидхэдэг “Эхэ хэлэн – манай баялиг” гэһэн урилдаанда Аяна басаган хэдэн дахин түрүү һуури эзэлжэ байһан, буряад хэлэеэ һайн мэдэдэг. Автор – Алтана Раднаева, һурагша
2. Жигжитова Тунгалаг Чимитовна, тамиршан. Захаамин аймагай Ёнгорбой нютагһаа гарбалтай. Инна Ивахиновагай һургуулида шатар заана. “Сибириин федеральна тойрогто эгээл эрхим тамиршан” гэһэн интернет-мүрысөөндэ эдэбхитэйгээр хабаадажа шалгарһан. Автор – Элеонора Бальжанова, багша.
«Буряад үнэн» хэблэлэй байшан
