502
Ородой Холбоото Уласай Юрэнхылэгшэ Владимир Путинай 2008 оной майн 5-да абаһан Эсэгэ ороноо хамгаалгын Агууехэ дайнай ветерануудые гэр байрын байдал һайжаруулха гэһэн 714 дүгээр тогтоолоор тус программа Буряадта бэелүүлэгдэнэ.
Эсэгэ ороноо хамгаалгын Агууехэ дайнай ветеранууд болон нүхэрөө алдаһан эхэнэрнүүдэй (хамта 12 хүн) гэр байра һайжаруулгада федеральна һанһаа 14,4 сая түхэриг һомологдобо. Гэр байратай болохо ээлжээндэ байһан ветеранууд гэр худалдан абаха үнэмшэлгэнүүдые абаба.
2008 онһоо бэелүүлэгдэжэ эхилһэн программаар федеральна һанһаа мүнгэн һомологдожо, 4400 хүн гэр байратай болоһон байна.
Мартын 1-нэй мэдээгээр, гэр байрын байдал һайжаруулха ээлжээндэ Эсэгэ ороноо хамгаалгын Агууехэ дайнай 17 ветеранууд юм. Федеральна һанһаа мүнгэн һомологдоходонь, эдэ хүнүүд гэр байраар хангагдаха гэжэ Буряад Уласай ниигэмэй хамгаалгын яаманда мэдээсэнэ.
