614
Буряад Уласай Толгойлогшо Алексей Цыденов уласай ажаһуугшадта Ородой Холбоото Уласай Юрэнхылэгшын һунгалтада эдэбхитэйгээр хабаадаһанда баяр хүргэбэ.
«Хэр һунгалта үнгэрхэб гэжэ уридшалан тобшолходоо, иимэ эдэбхитэйгээа арада зон һунгалтада хабаадха гэжэ ухаандаашье абаагүйбди. Булта нэгэ мэтэ юрэнхылэгшын һунгалтада дуугаа үгэбэт. Уласай бүхы ажаһуугшадта баяр хүргэнэб. Мүнөө тоололгонуудаар ажаһуугшадай 74 хубинь дуугааа үгөө. Улас дотор иимэ тоо түрүүшынхиеэ. Ерээдүйн байдалайнгаа үндэһэ табибабди», - гэжэ уласай хүтэлбэрилэгшэ хэлэбэ.
Алексей Цыденовэй хэлэһээр, уласай бүхы аймагуудаар тэрэ холбоо барижа, һунгуулиин газарнуудта ажаһуугшад һайндэртэ ерэһэн мэтэ хүхюутэй, шог зугаатай дуугаа үгэһэн байна.
Буряад Уласай Толгойлогшо олондо мэдээсэл тараадаг хэрэгсэлнүүдые һунгуулиин ябаса тухай саг соо хөөрэжэ, харуулжа байһанда онсолон тэмдэглэбэ.
