742
Загарай аймагай Асагад нютагай дэргэдэхи «Талын нүүдэлшэн» гэжэ аяншалгын комплекс табан хушуун малай хорёо хото барижа эхилэнхэй.
Мүнөө дээрээ “Талын нүүдэлшэн” 3 тэмээтэй, 1 моритой, хони болон ямаатай.
“Буряад хүнэй ажабайдал табан хушуун малгүйгөөр дүүрэн бэшэ. Эгээл тиимэһээ манай аяншад үндэһэн мал ажахытаймнай танилсаха ёһотой ”, - гээд, комплексын захирал Нина Дагбаева тэмдэглэбэ.
“Талын нүүдэлшэн” комплексын захирал Нина Дагбаева тэмээтэй болоһондоо баяртай
Нэгэ дороо 80 хүниие багтаахаар бэлэн энэ аяншалгын түбтэ уласай хэмжээнэй “Нүүдэлшэдэй ая дуун”, хасагуудай соёл дэлгээһэн фестиваль гэхэ мэтын хэмжээнүүд үнгэрдэг болонхой. Олоной анхарал татаһан эдэ хэмжээнүүд ерэхэ зундаа баһал эндэ эмхидхэгдэхээр хараалагдана.
