Главная / Новости /Общество / Улаан-Үдэ – Эрхүү гэһэн замаар «РусЛайн» авиакомпаниин түрүүшын самолёт Эрхүүдэ бууба

Улаан-Үдэ – Эрхүү гэһэн замаар «РусЛайн» авиакомпаниин түрүүшын самолёт Эрхүүдэ бууба

14-05-2018

Мүнөөдэр, майн 14-дэ, Улаан-Үдэ – Эрхүү гэһэн замаар «РусЛайн» авиакомпаниин түрүүшын самолёт Эрхүүдэ бууба. 48 хүнүүдые багтаадаг Ан-24 түхэлэй самолёт 3600 метр үндэртэ оройдоол 40 минутын туршада ниидэжэ, Эрхүүгэй аэропортдо бууһан байна.

Хүршэ можо нютаг самолёдоор хүрэхэ биледэй сэн 1490 түхэриг болоно.

Байгша оной апрелиин 28-да «Можо нютагуудай авиа зам һэргээн хүгжөөлгэ» гэфэн түсэлөөр «РусЛайн» авиакомпаниин Ан-24 гэһэн түрүүшын самолёт «Байкал» аэропортдо буугаа гэжэ һануулнабди. Сибириин бага хотонууд болон холо оршодог, хүрэхэдэ хүндэ хойто аймагуудые холбохо Ан-24 түхэлэй дүрбэн самолёт Буряадта ниидэхэ.

Улаан-Үдэһөө Иркутск хүрэтэр тус самолет үдэрэй нэгэ дахин понедельникһээ пятница хүрэтэр ниидэхэ. Июнь һараһаа үдэрэй хоёр ниидэдэг болохо. 


Теги: Улаан-Үдэ Буряад Улас Эрхүү можо Эрхүү самолёдууд



Наши издания