717
Буряад Уласай Засагай газарай хэблэлэй албанай гэрэл зураг
Буряад Уласай толгойлогшо Алексей Цыденов планерна зүблөөндэ буряадай гүрэнэй хүдөө ажахын академиин экономическа факультет дүүргэгшэдэй байдалые шиидхэхэ талаар аргануудые хэрэглэхэ тухай даабари үгэбэ.
Хүдөө ажахын академиин экономическа факультет гүрэнэй аккредитаци гараагүйһаа дулдыдажа, дээдэ һургуули оюутадтай бэшэмэл зүбшөөл бүтээгээд, иимэ һуралсалай шэглэлтэй гүрэнэй аккредитаци гараһан ондоо дээдэ һургуулиинууд руу эльгээхэ ёһотой.
Мүнөөдэр хүдөө ажахын экономическа факультедэй оюутад дипломоо абангүй байна.
“Буряадай гүрэнэй хүдөө ажахын академиин экономическа факультедэй аккредитациин байдалые мэдээд, хайшан гээд дүүргэгшэд-оюутад дипломоо абаха тухайнь, мүн аккредитаци гарахын түлөө юу хэхэ тухай намда дуулгагты, - гээд Алексей Цыденов хэлээ.
Буряадай гүрэнэй хүдөө ажахын академидэ экономическа факультет гээхэ хэрэггүйе, тиимэһээ энэ асуудалаар федеральна хэмжээнэй гүрэнэй засагай газарнуудай хүтэлбэритэйнь уулзажа хөөрэлдэхэ тухай уласай толгойлогшо тэмдэглэбэ.
