700
Ородой Улас дотор ЕГЭ шалгалта намдуу зохидоор үнгэрөө. Иимэ сэгнэлтэ Ородой Холбоото Уласай юрэнхы сайд Дмитрий Медведев ородой ахамад дээдэ һургуулинуудай хүтэлбэрилэгшэдтэй уулзахадаа, табиһан байна. “ЕГЭ шалгалтын хаһа үнгэрбэ. Тус шалгалтануудай үе аали номгоноор, томоотой, һаад түбэггүйгөөр үнгэрөө. Мүн, ЕГЭ шалгалтада бэлдэлгэ – һургуули дүүргэгшэдтэ болон эхэ эсэгэнэртэнь ходо эгээл эршэтэй, харюусалгатай хаһа болоно. Шалгалтын дүнһөө залуушуулай ерээдүй дулдыдана”, - гээд юрэнхы сайд тэмдэглээ.
Тэрэ бүхы һургуули дүүргэгшэдые амаршалаад, дээдэ һургуулинууд руу оролгондонь амжалта хүсэбэ.
"Дэлхэй дээрэхитэй зэргэсүүлхэдэ, Ородой Уласта дээдэ мэргэжэлдэ эгээл ехэ һуналта бии", - гээд Дмитрий Медведев гэршэлэн баталаа. “Тоо бодолгоор, 10 эхэ эсэгэнэрэй 9-ниинь үхибүүдтээ дээдэ мэргэжэл үгэхэ хүсэлтэй. 20 –дохи зуун жэлэй тэг дундахи сагай түрүүлэлһээ зоной иимэ хүсэл ехэ илгарна”, - гээд тэрэ тэмдэглээ.
Буряад Уласай болбосоролой болон эрдэмэй яаманай хэблэлэй албанай гэрэл зураг
