864
Ородой Холбоото Уласай Ажалай болон ниигэмэй хамгаалгын сайд Максим Топилин албанай хэрэгээр Буряад Уластта мүнөөдэр, ноябриин 26-да, бууба.
Үндэр сайд ниигэмэй туһа хүргэдэг Улаан-Үдын «Доверие» түб, ниислэл хотын ажалаар хангадаг албанай эмхидхэһэн - наһанайнгаа амаралтада гараха дүтэлһэн хүнүүдтэ ажал дурадхаһан яармагта хүрэхэ түсэбтэй.
Ородой Холбоото Уласай Ажалай болон ниигэмэй хамгаалгын сайд Максим Топилин хэдэн зүблөөнүүдые үнгэргэхэ. Тэрэ тоодо, Алас Дурнын федеральна тойрогто ородог можо нютагуудтай видеоконференциин холбоо барижа, «Демография» гэһэн үндэһэтэнэй түсэл бэелүүлгэ болон наһанайнгаа амаралтада гараха дүтэлһэн хүнүүдые ажалаар хангалга гэһэн асуудалнуудаар зүбшэн хэлсэхэ.
Удаань Максим Топилин Ородой Холбоото Уласай Буряад Уластахи Пенсионно жасын таһагта хүрэжэ, ажаһуугшадай хандадаг таһагта, дистанционноор туһаламжа үзүүлдэг түб болон пенси тоолохо, түлэхэ түбэй ажалтайнь танилсаха юм.
