​​Эдир морин хууршадай амжалта

«Хуурайм наадан» гэһэн можо хо­орондын зургаадахи фестиваль- урилдаанда Ярууна аймагай Нарһатын хүүгэдэй уралигай һургуулиин морин хууршадай “Алтан зула” ансамбль хабаадаа. Эдир морин хууршад Ярууна ай­магайнгаа нэрые дээрэ үргэжэ, лауреадай гурбадахи шатын ди­пломдо хүртөө.

Энэ фестиваль-урилдаанда аминдаа морин хууршад, ССУЗ-уудай, хүүгэдэй уралигай ансамбль­нууд, суха-хуур, морин хуур, хучир, лимбэ, суур, эбэр бүреэ дээрэ наада­жа шадаха дуратайшуул хабаадаа. Программын ёһоор, Буряадай, Мон­голой, мүн дүтэ шадарай хариин­хидай хүгжэм зохёолшодой арадай, классическа, эстрадна бүтээлнүүд зэдэлхэ ёһотой байгаа.

Тиихэдэ мэргэжэлтэ хүгжэм зо­хёолшод, мүн дуратайшуул, буря­ад арадай хүгжэмэй зэмсэгүүдые дар­халдаг мэргэжэлтэд ами аминдаа хабаадаһан байна.

Тус урилдаанда оролсохын тула, П. Чайковскиин нэрэмжэ­тэ соёл уралигай колледжын то­глолтын зал соо урид шагналта болоо. Удаань Гала-тоглолтонь Х. Намсараевай нэрэмжэтэ Буряа­дай драмын театрай тайзан дээрэ үнгэрөө. Энэ тоглолтодо эр­хим ансамбльнууд, наһанай элдэб хэмжүүрэй дуушад, Монголой ба хүршэ можо нютагуудай айлшад, мүн Нарһата нютагай морин хуурша­дай “Алтан зула” ансамбльшье ха­баадаа.