1219
Мүнөөдэр, апрелиин 2-то, Буряад Уласай Толгойлогшо Алексей Цыденов Москва хотодо Ородой Холбоото Уласай Юрэнхылэгшын дэргэдэхи Зүблэлдэ холын хараата хүгжэлтэ болон үндэһэтэнэй түсэлнүүдэй талаар ажалай бүлэгтэ хабаадана. Тиихэдэ уласай хүтэлбэрилэгшэ Ород гүрэнэй тээбэриин яаманай дүн согсолһон коллегидэ оролсохо юм.
Ородой Холбоото Уласай Юрэнхылэгшын дэргэдэхи Зүблэлэй ажалай бүлэгэй шухала асуудалнуудай нэгэн хадаа «Аюулгүй, һайн шанартай автомобилиин харгынууд» гэһэн үндэһэтэнэй түсэл бэелүүлгэ болоно. Үндэһэтэнэй түсэлэй хэмжээндэ автоунаагай ябаха харгынуудые заһабарилха, харгын гэнэ усал болодог газарнуудые бага болгохо, хэмһээ ехээр хэрэглэгдэдэг федеральна болон можо нютагуудай харгы хүнгэлхэ талаар зорилгонууд бэелүүлэгдэхэ түсэбтэй.
Буряад Уласай Толгойлогшо Алексей Цыденов ажалай бүлэгэй суглаанда харгын ажахыда шэнэ технологинууд тухай хөөрэхэ. Ородой Холбоото Уласай Гүрэнэй Зүблэлэй «Тээбэри» гэһэн ажалай бүлэг Алексей Цыденов хүтэлбэрилнэ гэжэ һануулнабди.
Удаань, апрелиин 3-да, Ород гүрэнэй тээбэриин яаманай коллегидэ Буряадай хүтэлбэрилэгшэ хабаадажа, уласай тээбэриин хангалгын байгууламжын хүгжэлтэ тухай хөөрэхэ.
Анна Огороднигой гэрэл зураг
