756
Байгша оной апрелиин 5-7-ой үдэрнүүдтэ Санкт-Петербургда ород соёлой Бүхэроссиин «Великая Россия» гэһэн фестиваль-мүрысөөн үнгэргэгдөө. Тус хэмжээ ябуулгада Ородой Холбоото Уласай можо нютагуудай болон хари гүрэнүүдэй зохёохы бүлгэмүүд хабаадаһан байна. Ород болон хари гүрэнүүдэй ажаһуугшадай дунда хани барисаанай, соёлой холбоо бэхижүүлхэ, дуу гүйсэдхэхэ һургуулиин заншал сахин хамгаалха, бэлигтэй дуушад, автор, багшанарые элирүүлхэ, «Россия- многонациональная держава» гэһэн соёлой ниитэ нэгэ оршон байгуулха, соёл, уралигай һалбарииин хүдэлмэрилэгшэдые дэмжэхэ зорилготой мүрысөөн эмхидхэгдэнэ.
Бүхэроссиин фестиваль-мүрысөөндэ хабаадагшад хатар, эстрадын дуу, хоор, арадай хүгжэмэй зэмсэгүүдэй соёл уралиг, арадай хүгжэмэй зэмсэгүүд, гармоника, хүбшэргэйтэ зэмсэгүүд, гитара, үндэһэтэнэй хүгжэмэй зэмсэгүүд, театралай зохёохы ажал, уран үгэ, үзэсхэлэн гэһэн номинацинуудта хаба шадалаа туршаһан байна.
“Арадай хатар, стилизаци” гэһэн номинацида хабаадагшад үндэр амжалтануудые туйлаа гээд тэмдэглэлтэй. Тэрэ тоодо, Буряад уласаа түлөөлһэн Аха аймагай Бүрэнголой сомоной “Оюун бэлиг” гэһэн хатарай ансамбль II шатын лауреадай нэрэ зэргэдэ хүртөө.
Буряад Уласай соёлой яаманай мэдээсэлэй албанай гэрэл зураг
