2047
Байгша оной апрелиин 25-да Буряад уласай Хэжэнгэ аймагай Хэжэнгэ нютагта хүндөөр үбшэлһэн Баир Эрдынеевтэ үнэтэй операци хэхэ хэрэгтэ зорюулһан буян үйлэдэлгын марафон үдэшын 17 сагта эхилхэ.
Басагаяа гансаараа хүмүүжүүлжэ байһан 45 наһатай Баир Эрдынеев хабдарта үбшэндэ нэрбэгдэжэ, үнгэрһэн жэлдэ академик Николай Бурденкын нэрэмжэтэ Үндэһэтэнэй эмнэлгын шэнжэлгын түбтэ операци хүүлэһэн байна. Баир Эрдынеевэй хэлэһээр, нюдэ, хамар, нойрой һудаһа тойруулан операци хэхэдээ, уураг тархи доронь хабдар үлээгээ. Тиихэдэ уураг тархииень дайраһанһаа боложо, Баир ябажа шадахаа болишодог байна.
- Операциин һүүлээр, сахарай, гипертони үбшэнүүдтэй болооб. Үглөө бүри шуһанай даралта хэмжэнэб, - гэжэ Баир Эрдынеев хэлэнэ.
Баир Эрдынеев гурбадахи бүлэгэй эрэмдэгтэй болоо. Тиигээшье һаа, тэрэ ажал хэхэ аргатай гэжэ тоологдоно. Элдэб янзын ажал хэжэ, тэрэ хоолойгогоо тэжээнэ, ехэнхидээ такси жолоодоно.
- Басагаяа хүмүүжүүлхэ хэрэгтэй, эдеэ хоол, хубсаһа хунар абахын тулада элдэб ажал хэгдэнэ, - гэжэ Баир хөөрэнэ.
Тиигэжэ хубиин эмнэлгын газарта операци хэхэ хэрэгтэ 500 мянган түхэриг хэрэгтэй. Арга боломжооро туһа хүргэхыень гуйжа, Буряад Уласай нигүүлэсхы сэдьхэлтэй ажаһуугшадта Баир Эрдынеев хандана.
Баир Эрдынеевтэ туһа хүргэхэ дуратай хүнүүд +79021660400 (мобильна банк холбогдонхой) гэһэн утаһаар хандаха аргатай.
