824
Буряад уласта хуушарһан гэрнүүдһээ ажаһуугшадые зөөлгэхэ тухай Ородой Холбоото Уласай барилгын яамантай тухай хэлсээн баталагдажа, 258 сая түхэриг һомологдоо. Тиигэжэ БАМ шадарай 5,5 мянган дүрбэлжэн метр талмайтай үмхирһэн, аюултай болоһон гэрнүүдһээ ажаһуугшад зөөхэ юм.
Мүнөө хуушарһан гэрнүүдһээ зөөхэ ээлжээндэ 1,5 мянган тухай хүнүүд байна. 2018 ондо 208 бүлэ энэ программада хабаадажа, 11,5 мянган дүрбэлжэн метрэй хуушарһан гэрнүүдэй талмай усадхагдаа.
Байгша жэлдэ Буряад уласта хуушарһан гэрнүүдһээ ажаһуугшадые зөөлгэхэ хэрэгтэ 258 сая түхэриг һомологдоо, тэрэнэй 243 сая – федеральна бюджетһээ, 15 сая уласай бюджетһээ гаргашалагдаха. Тиихэдэ Муя, Хойто-Байгалай аймагуудай бологн Северобайкальск хотын ажаһуугшад хуушарһан гэрнүүдһээ зөөхэ юм. Хойто-Байгалай аймагта - 142 сая, Муя аймагта – 110 сая, Северобайкальск хотодо 6 сая түхэриг һомологдохо.
