​Буряадай Талын Харганаа модоор шэмэглэгдэбэ

Сэлэнгэ аймагай Талын Харганаа гэһэн буддын шажанай нангин талмай дээрэ 103 модохон таригдаба. Энэ дэмбэрэлтэ хэрэгтэ оролсохоёо Улаан-Үдэ, Эрхүү хотонуудһаа, Зэдэ, Ивалга, Захаамин аймагуудһаа, Сэлэнгэ аймагай дүтын һууринуудһаа хамта дээрээ 200 гаран хүн ерэжэ хабаадаа.

Нигүүлэсхы сэдьхэлэй уряагаар зарлагдаһан энэ хэмжээнэй үедэ 190 мянган түхэригэй модохонууд худалдагдан абтаа. Энэ буянта хэрэгтэ хабаадагшадай нэрэ Асын дасанай ламанарай сэсэрлигтэ хандиб оруулагшадай дэбтэр соо бэшэгдэхэ.