766
Энэ буянта хэрэг дэмжэлгын нигүүлэсхы сэдьхэлэй марафон майн 17-до 17 сагта Буряад театрта эмхидхэгдэхэнь. Загастайн дасанай Согшон дуганай барилга мүнөөжэл түгэсхэгдэхэ ёһотой. Энэ дасанда зургаан Булагад угай зонмүргэдэг. Марафон буянта һарада үнгэргэгдэжэ, үйлэдэһэн буянтнай сая дахин эбхэгдэхэ. Тиимэ һэн тула һайхан хубитаяа оруулхыетнай уряалнабди. Дасан дуган һэргээлгэдэ туһа үзүүлһэнхэншье хадаа Буддын шажанай һургаал дэлгэрүүлэлсэжэ, хойтонаһандаа буянтай, бурхантай ябаха гээшэ.
Имагтал Согшон дуганда хабаатайгаар хэлэбэл, угалзануудые бүтээхэ, шэрдэхэ, шэмэглэхэ ажалда оролсогшод хойто наһандаа баян ба хүндэтэй гэр бүлэдэ тэгшэ һайхан бэетэй, уран хурса хэлэтэй хүн боложо түрэхэ.
Эрдэни Хайбзан Галшиевай “Бэлигүүн толи” ном соо иигэжэ бэшэгдэнхэй: “Буянта сэдьхэл гээшэ ямаршье зөөриһөө, алдар солоһоо,һайн байдалһаа дээрэ. Хэрбээ эдэ бүгэдын гансал энэ наһанда баярлуулха һаань, буянта сэдьхэл гээшэ хаанашье – мүнөөшье, ерээдүйдэшье баяр асарха”.
Загастайн дасанай ламанар ба жиндагууд бүхы зониие эдэбхитэйгээр марафондо хабаадажа, Согшон дуганай барилга дүүргэлсэхые уряална.
Тоглолтодо Буряадай эстрадын одод хабаадана: МихаилЕлбонов, Бадма-Ханда Аюшеева, Эрдэни Батсух, Эдуард Сампилов, Ринчин Дашицыренов,Наталья Юргина, Булат Бадмаев, Валико Гаспарян, Зоригто ба Нонна Тогочиевтан, “Старики-разбойники” хамталиг, Батор Будаев, Сэсэг Аюшеева болон бусад.
