844
Олон үхибүүдтэй гэр бүлэнүүдтэ ниигэмэй туһаламжа үзүүлхэ талаар ажал дэмжэжэ, «РЖД» бүлгэмэй «Федеральная пассажирская компания» эмхидэ гүрэн дотороо байгша оной июнь, июль һарануудта 20% хүнгэлэлтэтэй билет худалдаха тухай шиидхэбэри абтаһан байна.
Холын харгыда купетэй вагондо томошуул болон 10-һаа 17 наһа хүрэтэр үхибүүд хүнгэлэтэтэй билет абаха аргатай юм. 5 наһанһаа доошо үхибүүд һуури эзэлээгүй һаа, түлбэригүй ябаха аргатай. 5-һаа 10 наһа хүрэтэр үхибүүд хүүгэдэй билет абаха юм.
Олон үхибүүтэй гэр бүлэ гэһэн үнэмшэлгэеэ харуулжа, Буряадай ажаһуугшадта «ФПК» бүлгэмдэ билет абаха арга олгогдоно.
Һүүлэй 6 жэлэй туршада Ородой Холбоото Улас дотор олон үхибүүтэй гэр бүлэнүүдэй тоо 25 хубяар дээшэлээ. Энэ баримта ажаһуугшадай тоо бүридхэһэн һүүлэй мэдээ хаража, 2019 оной эхинтэй жэшэһэн байна. Тиигэжэ гүрэн дотор байгша оной эхиндэ олон үхибүүдтэй 1 сая 566 мянган гэр бүлэ гэжэ бүридхэгдөө.
Буряад уласташье олон үхибүүдтэй гэр бүлэнүүдэй тоо жэлһээ жэлдэ дээшэлнэ. Мүнөө улас дотор 23 мянганһаа дээшэ айл олон үхибүүтэй гээд тэмдэглэлтэй.
Тоодоорхойгоор энээн тухай мэдээсэл «РЖД» бүлгэмэй сайтда хаража болохо.
