758
2019 оной түрүүшын хахадта олон үхибүүдтэй 27 гэр бүлэдэ нэгэ дахин түлэгдэдэг мүнгэн тэдхэмжэ үзүүлэгдээ. Энэ хэрэгтэ 70,7 сая түхэриг һомологдоһон байна.
Буряад Уласай хуулиин ёһоор, зургаан болон зургаанһаа дээшэ, хуулиин наһа хүсөөгүй үхибүүдтэй бүлэнүүдтэ гэр байраяа һайжаруулгада, гэр худалдан абалгада нэгэ дахин түлэгдэдэг тэдхэмжэ үзүүлэгдэдэг. Тиихэдэ энэ туһаламжада гурба болон тэрэнһээ дээшэ эхир үхибүүтэй бүлэнүүд хүртэхэ аргатай. Ниигэмэй энэ туһаламжа «Буряад Уласта ниигэмэй туһаламжа үзүүлхэ арга тухай» гэһэн хуули болон Буряад Уласай Засагай газарай 2008 оной декабриин 11-эй 527-дохи тогтоолоор хараалагданхай. Байгша ондо уласай дэбисхэртэ гэр бүлэнүүд гурбан эхир үхибүүтэй болоогүй байна.
Энээнһээ урид гэр худалдан абалгада түлэгдэдэг тэдхэмжэ, долоо болон болон тэрээнһээ дээшэ үхибүүдтэй гэр бүлэнүүдтэ үзүүлэгдэдэг байгаа.
Программын бэелүүлэгдэжэ эхилһэн сагһаа хойшо 2011-2012 онуудта долоо, найма, юһэн үхибүүдтэй 33 бүлэ гэр байрынгаа байдал һайжаруулаа. 2013 онһоо хойшо тус программын хоёрдохи шата бэелүүлэгдэжэ, гэр абаха үнэмшэлгэнүүд зургаан үхибүүтэй бүлэнүүдтэ түлэгдэжэ эхилээ.
Бүхыдөө программын бэелүүлэгдэжэ эхилһэн сагһаа хойшо зургаан болон тэрээнһээ дээшэ үхибүүтэй 267 бүлэ гэртэй болоһон байна. Энэ хэрэгтэ 609,3 сая түхэриг һомологдоо. Тэрэ тоодо, 2018 онддо 43 бүлэ нэгэ дахин түлэгдэдэг 107 сая түхэригэй тэдхэмжэдэ хүртэһэн байна.
