​​Зүгын балай һайндэр Буряадта эмхидхэгдээ

Зүгын бал, балаар хэгдэһэн ундан гээд, бусад зүйлнүүд энэ һайндэртэ элбэгээр дэлгэгдээ.

Сахарай завод һууринай ажаһуугша Зоя Лысен­ко 30 гаран жэлэй туршада зүгы баридаг юм. Дай­най һүүлээр тэрэнэй эсэгэ зүгын бал үйлэдбэрилжэ эхилээд, энэ хэрэгээ басагандаа даалгаһан байна. 

Бүлюутэ тосхоной Дерябинтанай бүлэ чак-чак гэһэн амтан эдеэ шүүгшэдтэ дурадхаа. Тиигэжэ шэмээшэгүүдэй хотондо татаар арадай үндэһэн эдеэ амталагдаа. 

“Эрхим пасечник” гэһэн харалга соносхогдожо, хабаадагшад ехэтэ оролдоо. Зүгын бал тухай мэдээсэлнүүдые бэлдээ, амтан эдеэ буй­луулха болон хайшан гэжэ бал һайн шанартайгаар үйлэдбэрилхэб гэһэн асуудалнуудта харюусаба. Бага Хунали, Мотни, Новосретенск, Киров, Саха­рай завод, Хирээтэ, Петропавловка тосхонуудай соёлой ажалшад элдэб наада дэлгэхэһээ гадуур, огородой эдеэнэй яармагуудые эмхидхээ. Аймагай номой сан зүгын бал үйлэдбэрилгэ тухай хоморой һонин номуудай үзэсхэлэн дэлгэбэ.