​​Буряад Уласай Үндэһэнэй музей «Халхын голой байлдаан-80» гэһэн үзэсхэлэндэ хабаадана

Августын 23-да Улаан-Баатар хотодо Халхын голой байлдаанда Илалтын туйлагдаһаар 80 жэлэй ойдо зорюулагдаһан уласхоорондын эрдэмэй хуралдаан үнгэрөө. «Буряад Уласай Үндэһэнэй музейн суглуулбарида сэрэгэй болон түүхын баялиг сахиха» тухай музейн захирал Татьяна Бороноева элидхэл хэбэ.

Тус хуралдаанда Монголой Баталан хамгаалгын сайд Н.Энхболд, Монголдо Ородой Холбоото Уласай элшэн сайд Искандер Азимов, академик, түүхын эрдэмэй доктор, Россиин Эрдэмэй академиин Сибириин таһагай Монгол, Буддын шажан болон Түбэд орониие шудалалгын хүреэлэнэй захирал Борис Базаров, тус хүреэлэнэй ахамад эрдэмтэ хүдэлмэрилэгшэ Л.В.Курас, эрдэмтэ хүдэлмэрилэгшэ Дамдин Бадараев болон Хитад Уласай Хүлэн-Буир хотын түлөөлэгшэд хабаадалсаа. 

Буряад Уласай Соёлой яаманай мэдээсэлэй албанай гэрэл зураг