​Театрай уласхоорондын ехэ нааданда ​Буряадай «Үльгэр» театр хабаадахань

Гүрэнэймнай хойто ниислэл хотын ажаһуугшадай анхаралда “Домино гэжэ нэрэтэй бэлэй” (И звали его Домино) гэһэн зүжэг дурадхагдаха.

Санкт-Петербург хотодо 2019 оной декабриин 12-һоо 17 болотор “Школа. Студия. Мастерская” гэһэн Театрай уласхоорондын III ехэ наадан үнгэрхэ. Тэрэниие Григорий Козловой хүтэлбэри доро ажалаа ябуулдаг Санкт-Петербургын “Мастерская” гэһэн театр эмхидхэнэ.

“Үльгэр” театрай зүжэг декабриин 13-да “Мастерская” театрай тайзан дээрэ харуулагдаха.