1229
Анна Огороднигой гэрэл зураг
Буряад Уласай ниислэл хотодо Улаан-Үдын засаг даргын тушаалда орохо ёһолол үнгэргэдэбэ. Шэнэ засаг даргын тангаригаа үгэһэнэй удаа, уласай хүтэлбэрилэгшэд Игорь Шутенковые амаршалба.
Анна Огороднигой гэрэл зураг
Буряад Уласай Толгойлогшо Алексей Цыденов, Буряад Уласай Арадай Хуралай түрүүлэгшэ, Буряадтахи федеральна инспектор Сергей Ромахин гэгшэд һунгагадаһан засаг дагадай баярай үгэнүүдые хэлэһэн байна.Удаань Игорь Шутенковто мэрэй үнэмшэлгэ барюулагдаа.
Анна Огороднигой гэрэл зураг
Буряад Уласай Арадай Хуралай түрүүлэгшэ Владимир Павловай тэмдэглэһээр, хотымнай ажаһуугшад «амжалтатай, эдэй засагай хүгжэлтэтэй, болбосон түхэлтэй хотодо ажаһууха, шухалань гэхэдэ, ашаг үрэтэйгөөр ажалаа эрхидэг мэрые хараха хүсэлэнтэй». Тиихэдэ табиһан зорилгонуудые бэелүүлхэ талаар Игорь Шутенков дүй дүршэлтэй, эрдэм мэдэсэтэй, урагшаа тэгүүлхэ абаритай, тэсэбэритэй гэжэ парламентын хүтэлбэрилэгшэ хэлэбэ.
Анна Огороднигой гэрэл зураг
Хотын засаг дарга Буряад Уласай Толгойлогшо, Арадай Хурал болон Улаан-Үдэ хотын һунгамалнуудай зүблэлтэй эбтэй, эмхитэйгээр ажалаа ябуулхань шухала гэжэ Владимир Павлов онсолбо.
- Арадай Хуралай һунгамалнууд Улаан-Үдын хүгжэлтын талаар юрэ хараад байдаггүй, тэдэнэр тээбэриин, гэр байрын ажахын, ниигэмэй һалбариин асуудалнуудые шиидхэхэ талаар ажалаа ябуулдаг, - гэжэ Владимир Павлов хэлэһэн байна.
Анна Огороднигой гэрэл зураг
Улаан-Үдэ хотын засаг даргын һунгалта сентябриин 8-да үнгэрөө гэжэ һануулнабди. Игорь Шутенковые ажаһуугшадай 52% дэмжэһэн байна.
Анна Огороднигой гэрэл зураг
Анна Огороднигой гэрэл зураг
Анна Огороднигой гэрэл зураг
