1637
Буряадай Үндэһэн номой санда Номой XXIV дугыланай хэмжээндэ сентябриин 24-эй үдэрэй 15 сагта «Великая ступа «Джарун Хашор»: история и современность» гэһэн номтой танилсалга эмхидхэгдэхэ. Энэ номой автор, бүридхэгшэ - Соелма Бадмаева болоно. Ородой Холбоото Улас дотор эгээл томо - Джарун Хашарой субаргын рамнайдлагдаһаар 100 жэлэй ойдо энэ ном зорюулагдана.
Джарун Хашарай субарга ходоо Неполай «Бодхнатх» субаргада тон адли юм. Шэнэ номдо түүхэ, хөөрөөнүүд, рассказууд, статьянууд, дурсалганууд, магтаалнууд, юрөөлнүүд, шүлэгүүд, дуунууд болон онсо шухаг гэрэл зурагууд оруулагданхай. Буряад, ород хэлэнүүд дээрэ статьянууд хэблэгдэхэ.
Түүхын эрдэмүүдэй доктор Сэржэна Дугарова номойэрдэмэй талаһаа эрхилээ. Энэ ном буддын шажан, түүхэ шудалагшад, тибетологууд болон үргэн олон уншагшадай һонирхол татаха. Номтой танилсалгын хэмжээ ябуулгада уласай гүрэнэй болон ниитын ажаябуулагшад, эрдэмтэд, соёл, уралигай хүдэлмэрилэгшэд, сурбалжалагшад болон авторай нютагаархид хабаадаха.
