911
Москвада декабриин 12-14-нэй үдэрнүүдтэ “Экспоцентр” гэһэн үзэсхэлэнэй түбтэ “Москвада Алас Дурнын үдэрнүүд” гэһэн жэл бүриин фестиваль үнгэргэгдэхэ. Буряад Улас энэ хэмжээ ябуулгада хоёр тоглолто бэлдэнэ.
Москвагай ажаһуугшад, хэмжээ ябуулгын айлшад ба хабаадагшад уласай соёл, заншал тухай дуу, хүгжэм, хатараөй аргааар танилсаха.
Тиигэжэ баледэй труппа, үндэһэн оркестрэй ба дуу, хатарай “Байгал” театрай мэдээжэ дуушад, хатаршад уластаяа танилсуулха. дуутай ба хатартай хүгжэмэй шоу наада табиха. Буряад Уласай арадай дуушан Бадма-Ханда Аюшеева ба “Байгал” театрай дуушан Бүтидэй Сэрэн-Дондог буряад фольклорой баялигтай танилсуулха. Оршон байгаалитаяа таһаршагүй холбоотой нүүдэлшэдэй ирагуу хүгжэм буряад-монголой хүгжэмэй зэмсэгүүд (Ород гүрэндэ эдээндэ адли зэмсэг үгы) дээрэ Буряад уласай үндэһэн оркестрэй хүгжэмшэд гүйсэдхэхэ, - гэжэ Буряад Уласай соёлой сайдай орлогшо Николай Емонаков дуулгана.
Буряад Уласай Соёлой яаманда тэмдэглэһэнэй ёһоор, шэлэгдэһэн тогтлолтын программа уластай танилсуулха талаар үүргэ дүүргэнэ.
Соёлой хэмжээ ябуулгануудһаа гадна энэ жэлэй нааданда “Алас Дурнын аяншалга” ба “Болбосорол ба ажал” гэһэн хоёр шэглэлээр ажал ябуулагдаха.
Нёдондо жэлэйхидэл адли, энэ наадан залуушуулые – абитуриентнүүдые, оюутадые, залуу мэргэжэлтэдые, зохёохы ажалтай хүнүүдые Алас Дурнын тойрогой 11 нютаг можонуудай гайхамшаг онсолигуудтай, тэдэнэй эдэй засагай хүсэ шадалтай, аяншалгын боломжотой ба соёлой заншалтай танилсахыень урина. Гэхэтэй хамта, хүбүүд басагад 2% ставкатай ипотекэ ба “Алас Дурнын гектар” программаар газарай участокта гэр барилга, алас дурнын вузуудта ороходо хүнгэлтэнүүд ба мүнөөнэй Алас Дурнада залуушуулай урда нээгдэжэ байһан ондоо боломжонууд тухай эндэ ерэжэ танилсаха аргатай.
Буряад Уласай Засагай газарай мэдээсэлэй албанай гэрэл зураг
