831
Октябриин 30-да уласай аймагуудай болон ниислэл хотын 200 гаран һурагшад компьютер хэрэглэн, информатикаар болон ИКТ-гээр шалгалта тушаажа үзэбэ. Иигэжэ Буряад Уласай Болбосоролой болон эрдэм ухаанай яаманай хэблэлэй албан мэдээсэнэ.
“Информатикаар гүрэнэй ниитэ нэгэн шалгалтые компьютераар тушаалгадаг болохо ажалые Болбосоролой болон эрдэм ухаанай талаар хиналгын федеральна албан хэдэн жэлэй туршада ябуулаа. Тиин 2021 ондо шалгалтын шэнэ гурим нэбтэрүүлэгдэхээр хараалагдана. Шалгалта үнгэргэдэг бүхы газарнууднай иимэ хубилалтада зөөриин-оньһон хэрэгсэлнүүдэй талаар хэр зэргэ бэлэн бэ гэжэ даб дээрээ ойлгохо шухала”, - гэжэ Болбосоролой болон эрдэм ухаанай талаар хиналгын федеральна албанай хүтэлбэрилэгшэ Сергей Кравцов тэмдэглээ.
Туршалгын шалгалта шэнэ онол аргаар үнгэргэгдөө. Тэрэнэй ёһоор, шалган сэгнэхэ материалнуудые (КИМ) харуулалга, хабаадагшадай харюунуудаа үгэлгэ компьютерай туһаар хангагдана. Тиихэлээрээ хабаадагша шудалһан программаяа хэрэглэхэ арга боломжотой. Шалгалта үнгэргэхэдэ, хабаадагша бүхэн амяараа компьютераар хангагдадаг.
Информатикаар болон ИКТ-гээр КИМ-үүд ехэ зохидоор зохёогдонхой: хабаадагшадай харюунуудые дабхар шалгаха хэрэггүй, бүхы ажалнууд хүнэй хабаадалгагүйгөөр, оньһон аргаар шалгагдадаг болон сэгнэгдэдэг юм.
Буряад Уласай болбосоролой болон эрдэм ухаанай яаманай мэдээсэлэй албанай гэрэл зураг
