​​Харилсаанай хүүргэ

Үнгэржэ байһан жэлдэ бүхы улас дотор үнинэй үзэгдөөгүй хура бороотой уларил тогтожо, олон аймагуудта һаад ушаруулба.

Энэ зун Аха аймагта уһан эрьеһээ халижа, гурбан хүүргэ абажа хаяһан байна. Сорог һууринай малшад Тустуг гол дээгүүрээ хүүргэгүй үлэшөө.

- Уһанаймнай зүүн захада 30 гаран гэр бүлэ ажаһууна. Тэдэмнай эдеэ хоол, гэрэй хэрэгсэлнүүдые Сорогһоо ерэжэ абаашадаг. Мүн тиихэдэ бүхы үхибүүд һургуули сэсэрлигтэ ябадаг. Тиимэһээ тон хэрэгтэй хүүргэ дары түргөөр заһабарилха гэжэ оролдообди, - гэжэ “Сойотское” гэһэн сомоной дарга Баир Дугаров мэдүүлнэ.

Уһанай буухада, Сорогой ажаһуугшад хүүргэеэ шэнээр бариха гэжэ түсэблөө. Мэдээжэ арадай дуу хангюурдагша Бадма Сыренович Габанов барилгашадые суглуулжа, хүүргын хахадыень бодхооһон байна. Теэд нүгөө хахадтань аюултай юм. Хүүргэ заһабарилха тухай түсэблэлгын ажал урид ябуулха хэрэгтэй. Энээн тухай Аха аймагай захиргаанай ноёд мэдүүлнэ.

Борис Балдановай гэрэл зураг