​​Мэгзэм

Бүхы шэдиин үндэһэн - шадагшын эрхэтэ Ошордари,

Зорилгогүй энэрилэй ехэ санг – Арьяа-Баала,

Хирэгүй айладагшын эрхэтэ – Манзуширэ,

Шолмосой сэрэг бүхэниие дарагша – Ошорваани,

Саһата уулын мэргэдэй оройн шэмэг – Богдо Зонхобо,

Сасуулшагүй Лобсан-Дагбын үльмыдэ мүргэмэй.

Ум маа ни бад мэ хум!

Манай багада хүгшэн, нагаса эжынэрнай дайнда мордоһон хүбүүдээ шаналан, Богдо Зонхобын магтаал - энэ мэгзэм уянгатуулан уншадаг һэн. Одоол соёрхолнуудынь зүрхэ сэдьхэлэймнай оёорто шэнгээд, мүнөө hэргэн, Бурханай номой харгы гэрэлтүүлэн, түшэг найдал түрүүлнэ.

Мэгзэм үдэр бүриин уншалгануудай нэгые түбэдөөр сээжэлдээд, ламанарай уншахада, даган уншалсахада зохистой:

ОЙДОБ ГҮНДЭН ТУБААН ДОРЖЭШЭН,

МИГМЭД ЗЭБИИ ДЭРШЭН ЖАНРАЙСИГ,

ДИМЭД ШЭНБИИ ВАНБО ЖАМБАЛ ЯН,

ДҮДБҮН МАЛҮЙ ЖОМСАД САНБИИ ДАГ,

ГАНЖАН ХАЙБИИ ЗҮГЖЭН ЗОНХОБА,

ЛОБСАН ДАГБИИ ШАБЛА СОЛБАА ДЭБ.

Бурхан багшын hургаал дэлгэрүүлэгшэ энэдхэг багша Джово Атишын «Замай зула» гэhэн бүтээлые зохёолойнгоо үндэhэн болгоhомби гэжэ Богдо Зонхобо мэдүүлhэн юм гээд, Будаадын шажанай дээдэ hургуулиин багша Раднажаб Содномов тайлбарилаа. 1411 ондо 812 хуудаhатай «Ехэ Ламрим» зохёол бүтээ.

Дээдэ багшанарай айладаhые сэдьхэлдээ оруулхыетнай хүсэнэб! Манай танай гэhэн бодолhоо сүлөөржэ, удха түгэлдэр сэдьхэлээ нэгэдүүлэн шагнагты гэжэ багша уряална.

Амитан бүгэдын оройн шэмэг болоһон ирагуу hайхан номуун хагаан алдартай судар тарниин шажан бүхэниие баригша Гэтэлгэгшэ Богдо Зонхободо мүргэмэй!

Dharma.ru сайтһаа гэрэл зураг абтаба

Бутидма ДОРЖИЕВА, багшын ажалай ветеран