​​Хүршэеэ дэмжэжэ, хони хандиблаба

Халтмаагийн Баттулга, Си Цзиньпин 

Монголой Юрэнхылэгшэ Халтмаагийн Баттулга февралиин 27-до Бээжэн хото айлшалжа, Хитад Арадай Уласай Түрүүлэгшэ Си Цзиньпинтэй уулзаба.

Коронавирусай һүжэрһэнһөө боложо, Хитад гүрэндэ тохёолдоһон бэрхэшээлнүүдэй талаар гүнзэгы шаналал гашуудалаа Юрэнхылэгшэ Халтмаагийн Баттулга уулзалгынгаа эхин дээрэ мэдүүлээ.

- Хитадай арад түмэн тус үбшэн тахал һаяын сагта диилэжэ гараха гэжэ этигэнэб, - гэжэ хэлэхэтэйгээ сасуу, Хитад гүрэнтэй хилэ залгадаг ушарһаа Монгол оронойшье ажаһуугшадай туйлай ехээр һанаата боло­жо байһан тухайнь тэмдэглээ. Гэхэтэй хамта Монголой Юрэнхылэгшэ Хитад гүрэндэ нигүүлэсхы сэдьхэлэй туһаламжа хүргэжэ, 30 мянган толгой хони дамжуулаа.

Хитад Арадай Уласай Түрүүлэгшэ Си Цзиньпин өөрынгөө талаһаа Монголой Юрэнхылэгшэдэ халуун баяр хүргэжэ: “Намда дуһалшье үгөө һаатнай, би голыень эрьюулэн үгэхэб, зобохо сагтал нүхэрэй шанар элирдэг”, - гэжэ хэлээ. Си Цзиньпинэй хэлэһээр, коронавирусай һүжэрһэнһөө хойшо хари гүрэнэй түрүүшын толгойлогшо Хитад орондо албан ёһоор айлшалба.

Һануулжа хэлэхэдэ, Хитадта һүжэрһэн коронавирусһаа боложо, Монгол Уласай арад түмэн үндэһэтэнэйнгөө гол һайндэр Сагаан һарыешье тэмдэглээгүй, мартын 2 болотор бүхы дээдэ болон дунда һургуулинууд хаагдаһан байгаа. Халтмаагийн Баттулгашье Хитадһаа бусамсаараа, һэргылэмжэ хэжэ, 14 хоногоор тусгаарлагдаба. 

twitter.com сайтһаа гэрэл зураг абтаба 

ЭНЭ СЭДЭБЭЭР УНШАГТЫ:

Буряадай Толгойлогшын шангуудта хүртэхын түлөө “Байкал Оpen” гэһэн уласхоорондын мүрысөөн болюулагдаба

Репетиции не будет!: министр спорта Бурятии прокомментировал отмену турнира

Магистраль девяти провинций: что связывает китайский Ухань и бурятскую Кяхту?

В Пекине заявили, что компании Китая возвращаются к работе для поставок товаров в Россию

Аятайш бэшэ аяншалга

Сагаалганаа тэмдэглэхэгүй