990
Ородой Холбоото Уласай Засагай газарай Түрүүлэгшын орлогшо- Ородой Холбооото Уласай Юрэнхылэгшын Алас Дурнын федеральнай тойрогто бүрин эрхэтэ түлөөлэгшэ Юрий Трутнев мартын 10-11-эй үдэрнүүдтэ Буряадай ниислэлдэ ажалаа ябуулха.
Мүнөөдэр Юрий Трутнев Буряад Уласта ажаһуудаг Эсэгэ ороноо хамгаалгын дайнай ветерануудтай уулзажа, «75 лет Победы в Великой Отечественной войне 1941-1945 года» гэһэн медальнуудые барюулха. Удаань сайд Буряад уластахи федеральна инспектор Сергей Ромахинтай уулзажа, Буряад Уласай эдэй засагай болон ниигэмэй хүгжэлтын талаар Засагай газарай ажалаар суглаа үнгэргэхэ юм. Тэрэнэй һүүлээр, сайд Буряад Уласай Толгойлогшо Алексей Цыденовтэй уулзаха.
Мартын 11-дэ Ородой Холбооото Уласай Юрэнхылэгшын Алас Дурнын федеральнай тойрогто бүрин эрхэтэ түлөөлэгшэ Юрий Трутнев олзын хэрэг эрхилэгшэд, уласай эдэй засагай һалбари болон олзын хэрэг эрхилэлгэдээ мүнгэ хүрэнгэ һомологшодтой уулзаха гэжэ түсэблэнхэй. Тиихэдэ Үбэр Байгалай хихзарай болон Рослесхозой түлөөлэгшэдтэй хамта түймэрэй аюултай хаһада бэлэдхэлэй талаар сайд суглаа үнгэргэхэ. Удаань уласай ипподромой һэльбэн шэнэдхэлгын талаар асуудалаар хэлсэхэ юм.
Буряад Уласай Засагай газарай мэдэсэлэй албанай гэрэл зураг
