1703
Г. Ц. Цыдынжаповай нэрэмжэтэ оперо болон баледэй театр Ородой Холбоото Уласай театрай 15 эмхинүүдэй тоодо зохёохы түсэл бэелүүлхэ талаар гүрэнэй тэдхэмжэдэ хүртэбэ. Мэргэжэлтэ зүбшэлэгшэдэй шиидхэбэри Ород гүрэнэй Соёлой яаманай сайтда бэшэгдэнхэй. Александр Бородиной «Князь Игорь» гэһэн оперо табилгада 13 сая түхэригэй грант дамжуулагдаха.
Анха түрүүшынхиеэ энэ оперо 1950 ондо табигдаа, удаань 1959 ондо шэнэлэгдэжэ, бүхы Совет гүрэндэ мэдээжэ болоһон байна. «Князь Игорь» гэһэн Буряадай оперо болон баледэй театрта саг үргэлжэ табигдажа, удаан сагта энэ оперо театрай хаһа нээлгэдэ, хаалгада табигдадаг һэн. Тиихэдэ гол рольнуудые Буряадай мэдээжэ дуушад Лхасаран Линховоин, Саян Раднаев, Бадма Балдаков, Ким Базарсадаев гэгшэд гүйсэдхэһэн юм.
Буряадай оперо болон баледэй залуу дуушад ородой оперын зэндэмэни шэнээр табилгада хабаадажа, дуулаха бэлигээ дүүрэн гэршэлхэ аргатай. Харагшадта тайзанай шэнэлэгдэһэн шэмэглэл, видео-, аудио тоног хэрэгсэлнүүдые ашаглан табигдаха оперо хараха арга олгогдоно. Байгша 2020 ондо оперо табигдаха юм.
Үнгэрһэн долоон хоногто Буряадай оперо болон баледэй театр Кремлиин ордондо үнгэргэгдэһэн Сагаалганда хабаадаа. Театрай хатаршад февралиин 29-дэ «Алтан баг» фестивальда «Талисман» гэһэн балет табиһан байна гэжэ һануулнабди.
Буряадай оперо болн баледэй театрай дурадхаһан гэрэл зураг
ЭНЭ СЭДЭБЭЭР УНШАГТЫ:
Буряадай оперо болон баледэй театр «Алтан баг» фестивальда хабаадахаяа Москва гараба
Центр восточной медицины Бурятии участвует в праздновании Сагаалгана в Кремлевском дворце
Глава Бурятии о праздновании нового года в Кремле: «Мы смогли показать красоту бурятской культуры!»
Московские журналисты предложили отправить певицу из Бурятии на конкурс «Евровидение»
Всемирно известные бурятские художники представят свои работы в Кремлевском дворце
Знаменитые театры Бурятии примут участие мультимедийном шоу в Кремле
Национальный музей Бурятии представит уникальный выставочный проект в Кремлевском дворце
