296
Буряад Уласай Толгойлогшын онсолон тэмдэглэhэнэй ёhоор, салин түлэлгэдэ үйлэдбэринүүд гүрэнэй программаар процентгүй урьhаламжануудые абаха аргатай. Буряад Уласта энэ хэмжээ ябаха талаар Сбербанкда хэлсэгдэнэ, Ород гүрэн дотор иимэ дүршэл бии. COVID-19 коронавирусhаа хохидоhон бага болон микробизнес, хубиин олзын хэрэг эрхилэгшэдтэ энэ программа хабаатай.
Өөдынгөө клиентнүүдые дэмжэхэ бусад хэмжээн тухай Сбербанкын Буряадтахи таhагай даагша Антон Соколов хэлэбэ:
- Уласай хэмжээндэ юрын реструктуризациин талаар шиидхэбэринүүдые абаха талаар бүрин эрхэ буулгагдаа. 2020 оной октябриин 1 болотор гол үриин түлбэри болон процентнүүдые хойшолуулха аргатайбди. Тодорхойлбол, урьhаламжа хойшолуулха, тиихэдэ кредит абагшадай нэрэ бузарлагдахагүй. Хоёрдохёор, салин түлэхэ 0%-эй урьhалмжа, бага үйлэдбэринүүд онлайн-аргаар энээниие бүтээжэ шадаха.
Ородой Холбоото Уласай бүхы банкнууд энэ программада хабаадана гэжэ Алексей Цыденов хэлэбэ, тиихэдэ үйлэдбэриин салингай түсэд баридаг банк энэ урьhаламжа үгэхэ. Сбербанкда иимэ урьhаламжа урид дэмжэгдэhэн гэжэ бүридхэгдэжэ, электронно аргаар дамжуулагдадаг.
Программын ёhоор, компанинууд жэлhээ бага бэшэ болзорто ажалаа ябуулха ёhотой, тиихэдэ 2020 оной октябриин 1 болотор урьhаламжа үгтэхэ аргатай. Хүдэлмэрилэгшэдэй тоогоор, ажалай салингай доодо хэмжээндэ үсхэжэ, хэды hараар абтанаб, тэрэ тоодо үсхэжэ, урьhаламжын хэмжээн байгуулагдана.
