353
Буряад Уласта 29 мянган налог татабари түлэдэг үйлэдбэринүүдтэ абтаhан хэмжээнүүд тогтоогдонхой, 2020 оной мартын 1-эй мэдээгээр, эдэ эмхинүүд 1,8 миллиард түхэриг үритэй. Майн 1 болотор үриеэ заатагүй түлэгты гэhэн хэмжээн тогтоогдоо, коронавирусай дэлгэрhэн ушарhаа хохидоhон дунда болон бага олзын хэрэг эмхидхэгшэд, налог түлэгшэдтэ энэ хэмжээн хабаатай.
- Мүнөө засаг зургаан түлбэринүүдые хойшолуулха, удаан болзорто түлэхэ арга олгохо талаар хуулида хубилалтануудые оруулха тадаар засаг зургаан ажал ябуулна. Һаяын сагта майн 1-эй hүүлээр үриеэ түлэхэ гэhэн болзор хойшолуулха талаар асуудал шиидхэгдэхэ, тиихэдэ мораторий абтаhан үедэ үрин тухайдэ пениин хэмжээн тухай шиидхэгдэхэ, - гэжэ Федеральна татабариин албанай хүтэлбэриин Буряадтахи таhагай хүтэлбэрилэгшэ Марина Ли хэлэбэ.
Энэ дэмжэлгэдэ хүртэхэ татабари түлэгшэд Ородой ФНС-н сайтда толилогдонхой.
2020 оной мартын 16-hаа панхаруутаhан тухай мэдүүлгэнүүд оруулагдахагүй.
Байгша оной майн 1 болотор татабариин албан нүүдэл шалгалтануудые үнгэргэхэгүй. Шалгаhан тухай акт байгуулга, нүүдэл шалгалтануудай дүнгүүдээр шиидхэбэринүүд татабари түлэгшэдтэй сэхэ уулзангүй хэгдэхэ.
Татабариин албанда 2020 оной мартын 30-hаа апрелиин 3 болотор оруулагдаха бухгалтерскэ болон татабариин тоосоон 2020 оной апрелиин 6 болотор хойшолуулагдаа.
Татабариин талаар ехэнхи асуудалнуудые «Личный кабинет налогоплательщика» гү, али бусад интерактивна аргаар шиидхэхээр. Тиихэдэ физическэ нюурнууд өөынгөө хуудаhанда орожо, үри тухайгаа мэдэхэ, татбари түлэхэ, асуудалнуудтаа харюу абаха, 3-НДФЛ декларации оруулха, бюджедэй талаар асуудалнуудые шиидхэхэ аргатай. Өөрын кабинедтэ бүридхэгдөөгүй ажаhуугшад , гүрэнэй туhаламжажа (ЕСИА) хамааранхай hаа, тэрэнэй аргаар орохо аргатай
