688
Байгша онhоо Буряад Уласай ажаhуугшад хүдөө нютагта гэр худалдан абаха гү, барижа орохо талаар табан сая хүрэтэр 3%-тэй хүдөө нютагуудай ипотекэ абаха аргатай.
- Хүдөө нютагуудай хүнгэлэлтэтэй ипотекын ашаар, ажаhуугшад гүрэнэй тэдхэмжэдэ хүртэн, гэр байраяа hайжаруулха аргатай, - гэжэ Буряад Уласай Засагай газарай Түрүүлэгшын хүдөө ажахын дэбисхэр хүгжөөхэ талаар орлогшо – хүдөө ажахын болон эдеэ хоолой сайд Даба-Жалсан Чирипов хэлэбэ.
Тиихэдэ Буряадай Улаан-Үдэдэ ажаhуудаг зонhоо бэшэ хүнүүд, хүдөө нютагуудай ажаhуугшад хүнгэлэлтэтэй ипотекэдэ хүртэхэ аргатай. Хүдөө нютагуудай бүридэл Буряад Уласай Засагай газарай 2020 оной мартын 23-ай 147-дохи тогтоолоор байгуулагданхай.
Ородой Холбоото Уласай Хүдөө ажахын яаманай байгуулhан «Комплексное развитие сельских территорий» гэhэн гүрэнэй программын хэмжээндэ ипотекэ байгуулагдажа, 2020 оной январиин 1-ээ бэелүүлэгдэнэ.
«Россельхозбанк», «Сбербанк», «Центр-Инвест», «Банк Левобережный», «АК БАРС» БАНК, «Дальневосточный банк» гэhэн программанууд хүнгэлэлтэтэй ипотекэдэ хабаадахаар шэлэгдэнхэй.
