​Россиин эрдэм hуралсалай министр Буряад Республика ерээ

Россиин эрдэм һуралсалай министр Дмитрий Ливанов үдэрэй турша­да Улаан-Үдэдэ баригдажа байһан хүүгэдэй сэсэрлигүүдые, Буряадай гүрэнэй университедэй шэнэ байшан, республикын Буряадай үндэһэтэнэй ли­цей-интернат болон бусад һуралсалай эмхинүүдтэ хүрэһэн байна.

Үндэһэтэнэй лицей-интернадта эмхидхэгдэһэн зүблөөн дээрэ ажалайнгаа дүн согсол­жо, министр эрдэм һуралсалай бүридхэлэй хүгжэлтын эрхимүүдэй тоодо Буряад Республика ородог гэжэ тэмдэглээ.

- Танай республика руу ерэхынгээ урда тээ түсэблэгдэһэн туйлалтануудтай, харгын картатай танилсаһан байнаб. Буряад Республи­ка һургуулиин, хүүгэдэй сэсэрлигүүдэй болон хамһабариин нэмэлтэ һуралсалай эмхинүүдэй ажалшадта салин дээшэлүүлһэн байна. Мүн эрдэм һуралсалай һалбарида үнгэргэгдэһэн мо­дернизаци эрхим ябуулагдажа, һургуулинуудай байдал һайжаруулагдаа. Мүн хүүгэдэй сэсэрлигүүдтэ һууряар хангалга 100 процентэ­эр бэелүүлхэ проект амжалтатай ябуулагдажа байна, - гэжэ министр тэмдэглээ.

Мүн министрэй мэдээсэһээр, байгша ондо гүрэн түрэ дунда һуралсал хүгжөөхэ шэглэл­тэй федеральна шэнэ проект ашаглаха юм. Тэрэ проектын ёһоор, һурагшад һургуулидаа спортын болон зохёохы шэглэлэй хүгжэлтэ абаха ёһотой. Нэгэ халаанда ажалладаг дунда һургуули бүхэн үхибүүдтээ нэмэлтэ һуралсал үнгэргэхэ болоно.

- Хоёр-гурбан халаанда ажалладаг һургуули һайн шанартай эрдэм мэдэсэ үгэхэгүй. Тиимэһээ дунда һуралсалай хүгжэлтэ дэм­жэлгын программа бэелүүлжэ эхилхэмнай. Энээн тухай һаяын сагта соносхогдохо, - гэжэ Дмитрий Ливанов тэмдэглээ.

Мүн лэ Буряад Республикын Толгойлог­шо Вячеслав Наговицын республика дотор эрдэм һуралсалай шэглэлээр үнгэргэгдэхэ шэнэлэлтэ, хубилалтанууд тухай мэдээсээ. Тусхайлбал, республика дотор һуралсалай хэдэн туршалганууд хэгдэхэ. Тэдэнэй нэгэн­дэ Эрдэм һуралсалай округууд байгуулагда­ха. Сэсэрлиг, дунда һургуули болон нэмэлтэ һуралсалнууд нэгэдүүүлэгдэхэ зэргэтэй.

- Жэшээнь, хүдөөгэй бага һууринда сэ­сэрлиг, һургуули болон нэмэлтэ һуралсалай нэгэ-нэгэ эмхинүүдые байгуулһанай үлүү бо­лоно. Нэгэдэмэл округ байгуулаад, нэгэ эм­хиин мэдэлдэ орохо, тиигэжэ алмагдаһан мүнгэн зөөри тэрэл эмхиин һуралсалай шанар дээшэлүүлгэдэ үгтэхэ бшуу. Энэ шэглэл Рос­сиин Эрдэм һуралсалай министерство заана ха юм,- гэжэ Вячеслав Наговицын онсолбо.

ГТО тушаадаг болохо

Һурагшадай бэеын энхэ элүүртэ гол ан­харалаа Россиин министр зорюулаа гэбэл, алдуугүй. Тэрэнэй тэмдэглэһээр, мүнөө жэлэй сентябриин 1-һээ бүхы Росси гүрэн дотор физкультурно- спортивна комплекснууд бай­гуулагдаха.

- ГТО зарим газарта мартагдажа байна. Харин Буряад орондо энээн тухай мартаагүй, бэелүүлэгдэжэл байна. Манай гол зорилго үхибүүдэй бэе махабад һуралсалай үедэ му­удаха бэшэ, харин элүүржүүлэгдэхэ ёһотой бшуу, - гэжэ Дмитрий Ливанов тэмдэглээ.

Гэхэтэй хамта физкультурын хэшээл гүрэнэй нэгэдэмэл шалгалтануудта оруулагдахагүй, харин һурагшын портфолио руу оруулагда­ха. Дээдэ һуралсалай эмхинүүдтэ үхибүүдэй ороболынь, тамирай болон уран һайханай шэглэлнүүдээр амжалтануудынь тоосогдожо, нэмэри балл үгтэхэ зэргэтэй.

Тамирай багша бэлдэлгэдэ анхарал тусхай­таар табигдаха, багшанарай һонирхол тата­хын тула салин дээшэлүүлхэ шухала.

Улаан-Үдын түб стадион болон Буряадай гүрэнэй университет тухай асуудалаар ми­нистр иигэжэ һанамжалаа:

- Стадион ошожо хараабди. Университет хадаа регионой хүгжэлтын гол шэнжэ ха юм. Университет өөрын тамирай талмайтай байха ёһотой. Ганса эндэхи регионой бэшэ, бусад газарһаашье ерэһэн оюутадта һонирхолтой ха юм. Энэ талмай бүрин түгэс хэрэглэгдэхэ­дээ, һайн. Юуб гэхэдэ, университедэй бүрин эрхэтэ байдал бэхижэнэ, бусад һуралсалай эмхинүүдтэй харилсаан үргэдэнэ, - гэжэ ми­нистр тэмдэглээ.

Буряад Республикын Толгойлогшын тэм- дэглэһээр, федеральна засаг түрын табиһан зорилгонуудай шухалань үхибүүдые сэсэрли­гэй һууринуудаар бүрин хангалга болоно.

- Һургуулиин һурагшадай тоо олошорно. Бидэ хуушан һургуулинуудые һэльбэн шэнэл- хэһээ гадна, шэнэ түхэлэй һур-гуулинуудые барихабди. Гэбэшье юрэ барилга эрхилхэ бэшэ, социальна талаар болбосон түхэл- тэйгөөр баригдаха шухала, - гэжэ Вячеслав Наговицын онсолбо.

Радна-Нима Базаровай фото