817
Буряад Уласай Толгойлогшын уялга саг зуура дүүргэгшэ Алексей Цыденов Загарай аймагай үйлэдбэринүүд болон эмхи зургаануудаар ябажа хараха, ажаһуугшадтайнь уулзаха гэжэ албанайнгаа хэрэгээр Загарай аймаг гараба.
Аймагай түб болохо Загарай һууринда аймагай хүтэлбэрилэгшэдтэй болон хүдөө ажахын хүдэлмэрилэгшэдтэй Буряад Уласай Толгойлогшын уялга саг зуура дүүргэгшэ Алексей Цыденов уулзажа, ниигэмэй-эдэй засагай һалбариин хүгжэлтэ тухай хөөрэлдөө эмхидхэхэ. Үшөө тиихэдэ, Алексей Цыденов ТОС-уудай ажаябуулга хараха түсэбтэй.
Татарский Ключ, Новая Брянь тосхонуудай котельнинуудые хаража, тэрэнэй шэнэдхэлгын арга боломжонуудые хэлсэхэ юм. “Горная компания” гэһэн хизаарламал харюусалгатай бүлгэм, “Карьер Доломит” гэһэн хуби ниилүүлһэн нээмэл бүлгэм, “Свинокомплекс Восточно-Сибирский” гэһэн хуби ниилүүлһэн бүлгэмүүдтэ болон бусад үйлэдбэриинүүдтэ хүрэжэ, Загарай аймагай үйлэдбэри хүгжөөхэ талаар асуудалнуудаар зүбшэхэ.
Ниигэмэй хамгаалгын яаманда хабаатай эмхи, зургаануудтаАлексей Цыденов хүрэхэ юм. Аймагай Соёлой байшанда ажаһуугшадтай уулзаха, наһатай болон эрэмдэг бэетэй хүнүүдэй интернадта, “ Дельфин” гэһэн бассейн болон бусад эмхи зургаануудта хүрэхэ юм.
Анна Огороднигой гэрэл зураг.
